सुनको मूल्य एकैदिन ४ हजार ८०० रुपैयाँले घट्यो

काठमाडौँ । नेपाली बजारमा शुक्रबार सुनचाँदीको मूल्य ह्वात्तै घटेको छ । नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य प्रतितोला ४ हजार ८०० रुपैयाँले घटेर ३ लाख १ हजार रुपैयाँ कायम भएको छ ।

Watch On

बिहीबार छापावाल सुनको मूल्य प्रतितोला ३ हजार ४०० रुपैयाँले बढेर ३ लाख ५ हजार ८०० रुपैयाँ पुगेको थियो । त्यसअघि बुधबार ३ हजार रुपैयाँले घटेर ३ लाख २ हजार ४०० रुपैयाँमा कारोबार भएको सुनको मूल्य मंगलबार ३ हजार ५०० रुपैयाँले बढेको थियो ।

यसैगरी सोमबार सुनको मूल्य प्रतितोला ३ हजार ४०० रुपैयाँले घटेर ३ लाख १ हजार ९०० रुपैयाँमा झरेको थियो भने आइतबार ३ हजार १०० रुपैयाँले घटेर ३ लाख ४ हजार ३०० रुपैयाँ कायम भएको थियो ।

यस्तै, शुक्रबार चाँदीको मूल्य पनि प्रतितोला २५५ रुपैयाँले घटेको छ । महासंघका अनुसार शुक्रबार चाँदी प्रतितोला ४ हजार ६०० रुपैयाँमा कारोबार भइरहेको छ ।

बिहीबार चाँदीको मूल्य प्रतितोला १०५ रुपैयाँले बढेर ४ हजार ८५५ रुपैयाँ पुगेको थियो । बुधबार ४० रुपैयाँले घटेर ४ हजार ७५० रुपैयाँ, मंगलबार १०० रुपैयाँले बढेर ४ हजार ७९० रुपैयाँ तथा सोमबार ३५ रुपैयाँले घटेर ४ हजार ६९० रुपैयाँमा कारोबार भएको थियो । आइतबार चाँदीको मूल्य प्रतितोला ४० रुपैयाँले घटेर ४ हजार ७२५ रुपैयाँ कायम भएको थियो ।