मुख्य समाचार

बालेनको घरमा चोरीः सिसीटिभी फुटाएर डिभीआर देखि धाराको टुटीसम्म चोरे

सिधाकुरा

शनिबार, माघ १७, २०८२

बालेनको घरमा चोरीः सिसीटिभी फुटाएर डिभीआर देखि धाराको टुटीसम्म चोरे

काठमाडौँ । राष्ट्रिय स्वतन्त्र पार्टी(रास्वपा)का वरिष्ठ नेता बालेन शाहको काठमाडौँस्थित मण्डिखाटारमा रहेको घरमा चोरी भएको छ।

बालेन देशदौडामा छन् भने उनकी श्रीमती सविना झापा ५ मा चुनावी प्रचारमा छिन् । यहि मौका छोपेर उनको घरमा तोडफोड गरी चोरी भएको प्रहरीले जनाएको छ ।

सिधाकुरासँग कुरा गर्दै काठमाडौं प्रहरी परिसरका प्रवक्ता पवन कुमार भट्टराईले घरकाे फलामे रेलिङ भाँचिएको अवस्थामा देखिएकाे बताए ।

उपत्यका अपराध अनुसन्धान कार्यालयका एसएसपी सन्तोष खड्काका अनुसार एक इन्स्पेक्टरको नेतृत्वमा विशेष टोली बनाएर घटनाको अनुसन्धान भइरहेको छ ।

प्रहरीका अनुसार चोरहरूले घरमा जडान गरिएका सिसीटिभी क्यामेरा फुटाएका छन् भने फुटेज रेकर्ड हुने डिभिआर (डीभीआर) मेसिन चोरेर लगेका छन् ।

यस्तै उनीहरुले बाथरुम तथा भान्साका धाराका टुटीहरू समेत चोरे भएका छन् । घरमा धनमाल के के थियोे वा के हरायाे वा चाेरी भयो भन्ने अझै यकिन गर्न सकिएको छैन, साथै अन्य चोरी भएका सामानको विवरण लिने काम भैरहेको प्रहरीले जनाएको छ ।

प्रहरीको प्रारम्भिक अनुमान अनुसार चोरहरू पर्खाल नाघेर घरभित्र प्रवेश गरेको देखिएको छ।

प्रकाशित मिति: शनिबार, माघ १७, २०८२

प्रतिक्रिया दिनुहोस्