ह्वात्तै सस्तियो सुन

काठमाडौं । नेपाली बजारमा सुनचाँदीको मूल्यमा उतारचढाव जारी छ। बिहीबार एकैदिन १३ हजार ३०० रुपैयाँले बढेको सुनको मूल्य शुक्रबार भने प्रतितोला ५ हजार ९०० रुपैयाँले घटेको छ।

Watch On

नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य प्रतितोला दुई लाख ८३ हजार रुपैयाँ कायम भएको छ। बिहीबार सुन प्रतितोला दुई लाख ८८ हजार ९०० रुपैयाँमा कारोबार भएको थियो।

यसअघि बुधबार सुनको मूल्य ६०० रुपैयाँले बढेर दुई लाख ७५ हजार ६०० रुपैयाँ पुगेको थियो। मंगलबार ७०० रुपैयाँले बढेर दुई लाख ७५ हजार रुपैयाँ कायम भएको सुन सोमबार पनि दुई हजार ३०० रुपैयाँले बढेको थियो। आइतबार भने सुनको मूल्य प्रतितोला आठ हजार ३०० रुपैयाँले घटेर दुई लाख ७२ हजार रुपैयाँमा झरेको थियो।

यसैगरी, शुक्रबार चाँदीको मूल्य पनि प्रतितोला ११० रुपैयाँले घटेको छ। महासंघका अनुसार चाँदी प्रतितोला तीन हजार ८१० रुपैयाँमा कारोबार भइरहेको छ। बिहीबार चाँदीको मूल्य २६५ रुपैयाँले बढेर तीन हजार ९२० रुपैयाँ पुगेको थियो।

बुधबार चाँदी प्रतितोला तीन हजार ६५५ रुपैयाँमा कारोबार भएको थियो। मंगलबार ४५ रुपैयाँले घटेर तीन हजार ६७५ रुपैयाँ कायम भएको चाँदीको मूल्य सोमबार ७० रुपैयाँले बढेर तीन हजार ७२० रुपैयाँ पुगेको थियो। आइतबार भने १७५ रुपैयाँले घटेर तीन हजार ६५० रुपैयाँमा कारोबार भएको थियो।