सबै कुरा

फोहोर व्यवस्थापनमा समस्या भएको भन्दै कानुनी अड्चन फुकाईदिन प्रधानमन्त्रीलाई बालेनको आग्रह

सिधाकुरा

सोमबार, पुस २, २०८०

फोहोर व्यवस्थापनमा समस्या भएको भन्दै कानुनी अड्चन फुकाईदिन प्रधानमन्त्रीलाई बालेनको आग्रह

ललितपुर : काठमाडौँ महानगरपालिकाका मेयर बालेन साहले सिसडोल र बञ्चरेडाँडामा फोहोर व्यवस्थापन गर्न समस्या भइरहेका कारण त्यसलाई संघीय सरकारले सहज बनाइदिन प्रधानमन्त्रीलाई आग्रह गरेका छन् ।

Watch On

ललितपुर महानगरपालिकाको १५ औं वार्षिक उत्सवलाई सम्बोधन गर्दै उनले उपत्यकाको फोहोर व्यवस्थापन गर्ने विषयमा संघीय सरकार र स्थानीय सरकारको कानुन एकआपसमा बाझिएका कारण काम गर्न असहज भएको भन्दै उक्त अड्चन फुकाइदिन प्रधानमन्त्रीलाई आग्रह गरेका हुन् ।

त्यस्तै कार्यक्रममा बोल्दै बालेनले काठमाडौँ र ललितपुर महानगरपालिकाको विकास सँगसँगै हुनुपर्ने बताएका छन् । दुवै महानगर एकआपसमा परस्पर सम्बन्ध भएका महानगरपालिका भएका कारण दुवैको विकास सँगसँगै हुनुपर्ने उनले बताए ।

‘काठमाडौं एक्लै बनेर पनि राम्रो देखिँदैन, ललितपुर एक्लै बनेर पनि राम्रो देखिँदैन । सबैलाई काठमाडौं एउटै हो भन्ने लाग्छ । ललितपुरमा आए पनि काठमाडौं आएजस्तो लाग्छ, काठमाडौं आए पनि ललितपुर आएजस्तो लाग्छ । त्यसैले सम्पूर्ण उपत्यकाको विकास एकैचोटी हुनुपर्छ ।’, उनले थपे, ‘कोही पहिलो, कोही दोस्रो, कोही तेस्रो भन्दा पनि हामी एकैचोटी अगाडि बढ्नुपर्ने देखिन्छ ।’

प्रकाशित मिति: सोमबार, पुस २, २०८०

प्रतिक्रिया दिनुहोस्