नवनिर्वाचित सांसदहरुलाई रास्वपाको अभिमुखिकरणः कार्यक्रम हलमा मोबाइल फोन निषेध, व्यक्तिगत भेटघाट गर्न नपाइने

काठमाडाैँ । राष्ट्रिय स्वतन्त्र पार्टी रास्वपाले नवनिर्वाचित सांसदहरुका लागि २ दिने अभिमुखिकरण कार्यक्रम सञ्चालन गर्ने भएको छ । पार्टीले चैत ३ र ४ गते ललितपुरको ग्वार्कोस्थित होटल रोयल टुलिपमा अभिमुखिकरण कार्यक्रम गर्ने भएको हो । 

उक्त कार्यक्रममा प्रत्यक्ष र समानुपातिक दुबै तर्फका सांसदहरु सहभागी हुने पार्टीले जनाएको छ । कार्यक्रमको उद्घाटन समारोहमा पार्टी सभापति रवि लामिछानेले समबोधन गर्ने बताइएको छ ।

Watch On

कार्यक्रममा सहभागी हुने सांसदहरुका लागि पार्टीले ६ बुँदे निर्देशन समेत जारी गरेको छ । 

यस्ता छन् निर्देशनहरु
१. कार्यक्रम आवासीय हुनेछ। पार्टीले सबै सांसदहरूको खाना र आवास (Sharing basis) सुनिश्चित गरेको छ।
२. कार्यक्रम हलमा मोबाइल फोन प्रयोग निषेध हुनेछ।
३. कार्यक्रममा स्थलमा अन्य व्यक्ति वा पाहुनाको प्रवेश निषेध हुनेछ; परिवार सदस्य, साथी वा अन्य अतिथि होटलमा
आमन्त्रण नगर्न निर्देशन गरिएको छ।
४. वाहन पार्किड: होटलमा तपाईलाई छाडेपछि वाहन होटल परिसरमा वा बाहिर पार्क गर्न सकिनेछ। चालक तथा अन्य
व्यक्तिको भोजन र आवासको व्यवस्था तपाईको जिम्मेवारी हुनेछ। सो व्यबस्था अन्य होटल वा स्थानमा गर्न अनुरोध
छ
५. सांसदहरूले कार्यक्रम स्थलमा परिवार सदस्य वा अन्य व्यक्तिसँग भेटघाट, फोटो खिच्ने वा बैठक नगर्न निर्देशन छ।
६. पोशाक: व्यवसायिक क्याजुअल (Business Casual)