समाज

नवनिर्वाचित सांसदहरुको शपथ चैत १२ गते, पहिलो बैठक १५ मा गर्ने तयारी

सिधाकुरा

बुधबार, चैत ४, २०८२

नवनिर्वाचित सांसदहरुको शपथ चैत १२ गते, पहिलो बैठक १५ मा गर्ने तयारी

काठमाडौँ । संघिय संसद सचिवालय नवनिर्वाचित प्रतिनिधिसभा सदस्यहरुको शपथ तथा पहिलो बैठकको तयारीमा जुटेको छ ।

सचिवालयका सचिव रोजनाथ पाण्डेका अनुसार निर्वाचन आयोगले आफ्ना प्रक्रिया टुंगाएर राष्ट्रपतिलाई प्रतिवेदन बुझाएसँगै संसद सचिवालयमा पनि नवनिर्वाचित सदस्यहरुको विवरण प्राप्त हुने छ ।

Watch On

आयोगले पठाएको विवरण अनुसार सचिवालयले शपथ ग्रहणमा उपस्थित हुन नवनिर्वाचित सदस्यहरुलाई सूचना जारी गर्ने छ ।

साथै राष्ट्रपतिको कार्यालयसँग समन्वय गरेर शपथको व्यवस्थापन तय हुने छ । राष्ट्रपतिले पहिले नवनिर्वाचित सदस्यहरु मध्येबाट ज्येष्ठ सदस्यलाई शपथ गराएर अर्को सभामुख नचुनिँदासम्मका लागि सभामखु तोक्ने छन् ।

त्यसपछि अन्य सदस्यहरुको सपथ हुने छ । यसरी फागुन २१ को निर्वाचनबाट निर्वाचित प्रतिनिधिसभा सदस्यहरुको शपथ चैत १२ गते हुन सक्ने सचिवालयले जनाएको छ ।

शपथ लगत्तै राजनीति दलहरूले आआफ्ना संसदीय दलका नेता चयन गर्छन् र त्यसपछि राष्ट्रपतिबाट नयाँ सरकार गठनका निम्ति आह्वान हुनेछ ।

यदि १२–१३ गते सरकार गठन भए १५ गते प्रतिनिधिसाभाको पहिलो बैठक आह्वान गर्ने संसद सचिवालयको तयारी छ ।
संसदको पहिलो बैठक सिंहदरबारस्थित नयाँ संसद भवनमा हुने छ ।