राष्ट्रिय स्वतन्त्र पार्टीले पटक पटक म्याद थप हुँदा पनि स्तरोन्नतीको कार्यले पूर्णता पाउन नसेकेको नारायणगढ बुटवल सडकखण्डमा हिँडेर दबाब यात्रा गर्ने भएको छ । उक्त दबाब यात्रामा चितवनको पुल्चोकदेखि बुटवलसम्म हिँड्ने कार्यक्रम तय भएको पार्टीकी सहप्रवक्ता प्रतिभा रावलले जानकारी दिइन् । 

रावलका अनुसार पार्टीका सांसद तथा पूर्वाधार समितिका सदस्य शिव नेपाली, निशा डाँगी केन्द्रिय सदस्य तथा सहकोषाध्यक्ष दिपक बोहरा, गण्डकी प्रदेश सभापति राजन गौतम लगायतले १ सय १३ किलोमिटर हिडेर यात्रा गर्नेछन् । सो क्रममा उनीहरुले नारायणगढ बुटवल सडकखण्डको स्तरोन्तीमा भईरहेको ढिलाईबारे निर्माण कम्पनीका प्रतिनिधिहरुसँग छलफल गर्नेछन् भने सडकमा यात्रा गर्ने यात्रुहरु र स्थानीयसँग अन्र्तक्रिया समेत गर्नेछन् । यात्रापछि पार्टीका नेताहरुले सम्बन्धित निकायलाई ध्यानाकर्षण गराउने छन् । उनीहरुको दबाब यात्रा पुष ९ गतेबाट सुरु हुनेछ । दबाब यात्राका लागि सर्वसाधारणलाई समेत आह्वान गपिरएको छ । 

पटक पटक म्याद थप्दा पनि नारायणगढ बुटवल सडकखण्ड स्तरोन्नतीको कार्य सम्पन्न हुन सकेको छैन । जसका कारण यात्रु, सवारी चालक तथा स्थानीयले लामो समयदेखि सास्ती खेपिरहेका छन् । स्तरोन्नतीको कार्य छिटो गर्नका लागि दबाब यात्रा गर्न लागेको पार्टीले जनाएको छ ।