समाज

प्रतिनिधिसभाबाट वैकल्पिक वित्त परिचालन विधेयक पारित

संसदको अर्को बैठक मंगलबार

सिधाकुरा

बिहीबार, जेठ ७, २०८३

प्रतिनिधिसभाबाट वैकल्पिक वित्त परिचालन विधेयक पारित

काठमाडौँ । प्रतिपक्षी दलहरूको अवरोधकाबीच प्रतिनिधिसभाबाट वैकल्पिक वित्त परिचालन सम्बन्धी विधेयक पारित भएको छ ।

प्रतिनिधिसभाको आजको बैठकमा विपक्षी दलहरूले अवरोध गरिरहेकै बेला सभामुख डोलप्रसाद (डीपी) अर्यालले अर्थमन्त्री डा. स्वर्णिम वाग्लेलाई उक्त विधेयक पारित गरियोस् भन्ने प्रस्ताव पेश गर्न समय दिएका थिए ।

Watch On

अर्थमन्त्री वाग्लेले पेश गरेको प्रस्तावलाई सभामुख अर्यालले विधेयक निर्णयार्थ प्रस्तुत गरेका थिए । विपक्षी दलहरुको नाराबाजीका बीच सभामुख अर्यालले बहुमतले विधेयक पारित भएको घोषणा गरे ।

त्यसअघि प्रस्ताव पेश गर्दै अर्थमन्त्री वाग्लेले वर्तमान सरकार देश निर्माणको अभियानमा लागेको बताए । उनले विधेयक संशोधनका लागि परेका प्रस्ताव पनि सरकारले ग्रहण गरेको बताए । ‘हामी देश बनाउने अभियानमा छौं, यसमा सहयोग गर्ने माननीय सदस्यहरुलाई धन्यवाद छ’ उनले भने ।

नाराबाजीकै बीच कानुनमन्त्री सोविता गौतमले निर्वाचन सम्बन्धी विधेयक विचार गरियोस् भन्ने प्रस्ताव पेश गरेकि थिइन् । सभामुख अर्यालले प्रतिनिधिसभाको बैठक आगामी मंगलबार (जेठ १२ गते) बस्ने गरी स्थगित भएको घोषणा गरे ।

प्रकाशित मिति: बिहीबार, जेठ ७, २०८३

प्रतिक्रिया दिनुहोस्