समाज

लोकतन्त्र टिकाउन पनि मध्यम वर्गले सुरक्षित महसुस गर्नुपर्छ: अर्थमन्त्री वाग्ले

सिधाकुरा

आइतबार, जेठ १७, २०८३

लोकतन्त्र टिकाउन पनि मध्यम वर्गले सुरक्षित महसुस गर्नुपर्छ: अर्थमन्त्री वाग्ले

काठमाडौँ । अर्थमन्त्री डा. स्वर्णिम वाग्लेले लोकतन्त्र टिकाउन पनि मध्यम वर्गले सुरक्षित महसुस गर्नुपर्ने बताएका छन् ।

बजेटका बारेमा जानकारी दिन आज अर्थमन्त्रालयमा आयोजित पत्रकार सम्मेलनमा अर्थमन्त्री वाग्लेले मध्यम वर्गको संख्यालाई बढाउनु पर्ने बताएका हुन् ।

Watch On

पत्रकार सम्मेलनमा उनले भने– ‘लोकतन्त्र टिकाउन पनि र विकासका परम्परागत मानकलाई न्याय गर्न पनि मध्यम वर्गले सुरक्षित महसुस गर्नुपर्छ ।’ उनले आफूहरु चुनावमा जाँदा नै मध्यम वर्ग विस्तार गर्ने भनेर गएको स्मरण गराए । उनले भने– हामी जनतामा जाँदा नै मध्यम वर्ग विस्तार गर्ने भनेर गएको हो, निम्न आय भएकालाई पनि मध्यम वर्गमा उकास्ने हो।’

अर्थमन्त्री वाग्लेले मानव विकास सूचकांकका सबै क्षेत्रलाई अध्ययन गरेर बजेट बनाइएको बताए । उनले भने– ‘म आफैं ह्यमुन डेभलेपमेन्ट इन्डेक्समा संलग्न भएको ३२ वर्ष भयो, यसका सबै विषयलाई अध्ययन गरेर बजेट बनाइएको हो ।’

अर्थमन्त्री वाग्लेले चुनावअघि रास्वपाले गरेको करारनामा, चुनावी घोषणापत्र, सरकारको शासकीय सुधारका सूची र नीति तथा कार्यक्रमको आधारमा बजेट तयार पारिएको बताए ।

उनले बजेटको आकारका हिसाबले महत्वाकांक्षी नभएको पनि दाबी गरे ।

प्रकाशित मिति: आइतबार, जेठ १७, २०८३

प्रतिक्रिया दिनुहोस्