जनप्रतिनिधिका कुरा

फेसबुक स्टाटसका आधारमा तथ्यमा नगई अर्थमन्त्रीमाथि लान्छना लगाउन खोजियो: सांसद मनिष झा

सिधाकुरा

बिहीबार, जेठ २८, २०८३

फेसबुक स्टाटसका आधारमा तथ्यमा नगई अर्थमन्त्रीमाथि लान्छना लगाउन खोजियो: सांसद मनिष झा

काठमाडौँ । राष्ट्रिय स्वतन्त्र पार्टीका प्रवक्ता एवं सांसद मनिष झाले फेसबुक स्टाटसको आधारमा तथ्यमा नगई अर्थमन्त्रीमाथि लान्छना लगाउन खोजिएको बताएका छन् ।

विद्युतीय सवारी साधनको भन्सार जाँचपास सम्बन्धमा हालै उठेका प्रश्‍नउपर छलफल सम्बन्धमा सार्वजनिक लेखा समितिको विहान बसेको बैठकमा सांसद झाले विपक्षी दलका नेताहरूले तथ्य र विषय वस्तुमा गहिरो अध्ययन नगरी फेसबुक स्टाटसका भरमा प्रश्न गरेर संसदको गरिमा बारे पनि सोच्न बाध्य भएको बताए ।

Watch On

'जवाफ नसुनिकन छानबिनमा जाने कुरा हुँदैन । प्रश्न गरौं तर जवाफ पनि सुनौ । त्यसपछि अनुसन्धान र छानबिनको कुरो आउँला,' उनले भने, 'गाडी भित्र्याउँदा व्यापारीलाई घाटा भएको छ । रसुवा र कोरालाबाट आएको गाडी दर घटेको छ । जोखिम लिने व्यापारीलाई घाटा र राज्यलाई फाइदा भएको छ । अर्थमन्त्रीमाथि प्रश्न किन ?'

उनले अर्थ विधेयकमा सदनलाई जानकारी गराएर संशोधन गरिएको पनि बताए । 'कुनै शब्दको फरक अर्थ लागेमा अर्थ विधेयकमा संशोधन गर्ने विगतकै प्रचलन हो । अघिल्लो बजेटमा ७३ वटा संशोधन गरिएको थियो,' उनले भने । जारी अनुसन्धानलाई निष्कर्षमा पुग्न दिनुपर्ने भनाइ थियो ।

रास्वपाकै विपीन आचार्यले हल्का प्रश्न गरेर समितिको ओजलाई नघटाउन अनुरोध गरे ।

प्रकाशित मिति: बिहीबार, जेठ २८, २०८३

प्रतिक्रिया दिनुहोस्