मुख्य समाचार

भूमिमन्त्री रावलको पहल: स्थानीय तहबाटै सुरु भयो नापी तथा मालपोत सेवा, अधिकार पाएपछि कागेश्वरी मनोहराले बाँड्यो लालपुर्जा

जग्गा प्रशासनसम्बन्धी सेवाका लागि मालपोत तथा नापी कार्यालयसम्म पुग्नुपर्ने बाध्यता कम हुने

सिधाकुरा

मंगलबार, असार २, २०८३

भूमिमन्त्री रावलको पहल: स्थानीय तहबाटै सुरु भयो नापी तथा मालपोत सेवा, अधिकार पाएपछि कागेश्वरी मनोहराले बाँड्यो लालपुर्जा

काठमाडौँ । कागेश्वरी मनोहरा नगरपालिकाले स्थानीय तहबाटै नापी तथा मालपोत सेवा प्रवाह सुरु गरेको छ ।

सेवा सञ्चालनको पहिलो दिन सोमबार नगरपालिकाले लालपुर्जा वितरण गर्दै सेवा हस्तान्तरणको औपचारिक सुरुवात गरेको हो ।

Watch On

भूमि व्यवस्था, सहकारी, संघीय मामिला तथा सामान्य प्रशासन मन्त्रालयले स्थानीय तहबाटै नापी तथा मालपोत सेवा उपलब्ध गराउने योजनाअन्तर्गत कागेश्वरी मनोहरा नगरपालिकाले सेवा सुरु गरेको हो।

मन्त्रालयले देशभरका इच्छुक पालिकाहरूमा चरणबद्ध रूपमा नापी तथा मालपोत सेवा हस्तान्तरण मन्त्रालयको योजना अनुसार कागेश्वरी मनोहरा नगरपालिकाबाट सेवा सन्चालनमा आएको हो । यसअघि मन्त्रालयको आह्वानमा २०७ वटा स्थानीय तहले नापी तथा मालपोत सेवा सञ्चालन गर्न इच्छुक रहेको जानकारी गराएका थिए ।

स्थानीय तहबाटै सेवा उपलब्ध हुन थालेपछि नागरिकले जग्गा प्रशासनसम्बन्धी सेवाका लागि मालपोत तथा नापी कार्यालयसम्म पुग्नुपर्ने बाध्यता कम हुने अपेक्षा गरिएको छ । यसबाट समय, खर्च र झन्झट घट्ने तथा सेवाप्रवाह थप प्रभावकारी बन्ने विश्वास गरिएको छ ।

मन्त्रालयले आवश्यक प्राविधिक पूर्वाधार, जनशक्ति व्यवस्थापन तथा तालिमको व्यवस्था गर्दै अन्य स्थानीय तहहरूमा समेत सेवा विस्तार गर्ने तयारी गरिरहेको जनाएको छ।

प्रकाशित मिति: मंगलबार, असार २, २०८३

प्रतिक्रिया दिनुहोस्