समाज

८ पटक मन्त्री, अहिले मुद्दा

सिधाकुरा

सोमबार, असार ८, २०८३

पूर्वअर्थमन्त्री विष्णुप्रसाद पौडैल/फाइल फोटो

काठमाडौँ । नेकपा एमालेका उपाध्यक्ष विष्णुप्रसाद पौडेल पक्राउ परेका छन् । सम्पत्ति शुद्धीकरण मुद्दामा अनुसन्धानका लागि पौडेल पक्राउ परेका हुन् ।

पार्टी कार्यक्रमका लागि सुर्खेत पुगेका पौडेललाई सम्पत्ति शुद्धीकरण अनुसन्धान विभागले पक्राउ गरेको हो ।

Watch On

उनको सम्पत्ति र उनले गरेको सेयर कारोबारका बारेमा अनुसन्धानका लागि उनलाई पक्राउ गरिएको जनाइएको छ ।

सुर्खेतमा आयोजित कार्यक्रम स्थलबाटै पक्राउ परेका पौडेललाई जिल्ला प्रहरी कार्यालय सुर्खेतमा राखिएको छ ।

पूर्वअर्थमन्त्री पौडेललाई त्यहाँबाट काठमाडौँ ल्याउने तयारी गरिएको छ । स्थलमार्गबाट ल्याउने कि हवाई मार्गबाट ल्याउने भन्ने निर्णय भइनसकेको प्रहरी स्रोतको भनाइ छ ।

सम्पत्ति शुद्धीकरणको मुद्दामा पक्राउ पर्ने पौडेल कुनै पनि दलका पहिलो उच्च नेता हुन् ।

सरकारले तीन जना पूर्वप्रधानमन्त्रीहरु केपी शर्मा ओली, पुष्पकमल दाहाल र शेरबहादुर देउवामाथि पनि सम्पत्ति शुद्धीकरणमा अुनसन्धान गरिरहेको छ । त्यस्तै देउवा पत्नी आरजुमाथि पनि अनुसन्धान भइरहेको छ ।

पौडेल जेनजी आन्दोलनअघि ओली नेतृत्वको सरकारमा अर्थमन्त्री थिए । ५ पटक सांसद भएका पौडेल ८ पटक मन्त्री बने ।

प्रकाशित मिति: सोमबार, असार ८, २०८३

प्रतिक्रिया दिनुहोस्