मतदानको समय थपियो, ४:३० सम्म पुर्याइयो

काठमाडौँ । रास्वपा महाधिवेशनमा पदाधिकारी छान्न जारी मतदानको समय लम्ब्याइएको छ ।

यसअघि मतदानका लागि दुई बजेसम्मको समय तोकिएकोमा निर्वाचन आयोगले समय थपेर साढे ४ बजेसम्म मतदान गर्न पाइने जनाएको छ ।

Watch On

एक महिला उपसभापति, एक महामन्त्री र ३ सहमहामन्त्री (एक महिलासहित) छान्न मतदान भइरहेको छ ।

महिला उपसभापतिमा सोविता गौतम र तोसिमा कार्की प्रतिस्पर्धामा छन् । एक महामन्त्रीका लागि विपिन आचार्य, मनिष झा, गणेश कार्की र सागर ढकाल उम्मेदवार छन् ।

३ सहमहामन्त्री (२ खुला र १ महिला) मा १६ जनाको उम्मेदवारी परेको छ । खुलातर्फ ११ र महिलातर्फ ५ जनाले उम्मेदवारी दिएका छन् ।

खुलातर्फ रमेश प्रसाईं, यज्ञमणि न्यौपाने, सुलभ खरेल, असिम शाह, अशोककुमार चौधरी, मिलन लिम्बू, पुकार बम, राजीव खत्री, विजय जैरु, हरि ढकाल र हिमेश पन्तले उम्मेदवारी दिएका छन् ।

महिलातर्फ जुली यादव, जमुना शर्मा(विदुषी), कामिनीकुमारी चौधरी, निशा डाँगी र रिमा विश्वकर्माको उम्मेदवारी परेको छ ।

एक महिला उपसभापतिमा दुई जनाको मात्रै उम्मेदवारी परेको छ । सोविता गौतम र तोसिमा कार्कीले महिला उपसभापतिमा प्रतिस्पर्धा गरेका छन् ।

खुला उपसभापतिमा भने डा. स्वर्णिम वाग्लेको मात्रै उम्मेदवारी परेपछि उनी निर्विरोध भएका छन् ।

विद्युतीय मेसिनमार्फत मतदान भइरहेको छ । मतदान गर्न महाधिवेशन प्रतिनिधिहरु लामबद्ध छन् । उम्मेदवारहरुले मत मागिरहेका छन् ।