नेताका कुरा

प्रधानमन्त्रीलाई रूलिङ गरेर सदनमा बोलाउन एमालेको माग

सिधाकुरा

बुधबार, असार २४, २०८३

प्रधानमन्त्रीलाई रूलिङ गरेर सदनमा बोलाउन एमालेको माग

काठमाडौँ । नेकपा एमालेले प्रधानमन्त्री बालेन्द्र शाहलाई रुलिङ गरेर सदनमा बोलाउन माग गरेको छ ।

प्रधानमन्त्री शाह एक महिना १७ दिनदेखि सदनमा नआएको भन्दै एमालेले सदनमा आएर जवाफ दिनका लागि रुलिङ गर्न सभामुखसँग माग गरेको हो ।

Watch On

प्रतिनिधि सभाको आकस्मिक समयमा भने, 'सभामुखज्यू प्रधानमन्त्रीलाई रुलिङ गर्नुपर्यो । उहाँलाई डाक्नपर्यो । यो सदन जनताबाट चुनिएर आएका प्रतिनिधिको हो । र नियमावलीमा भएको प्रधानमन्त्री अनिवार्य आएर जवाफ दिनुपर्छ भन्ने किन आउनुभएन ? रुलिङ गर्नुपर्छ । डाक्नुपर्छ । उठेका कुरामा जवाफ दिनुपर्छ । सधैभरी आन्दोलन गरिराख्नुपर्ने, उठिराख्नुपर्ने कहिलेसम्म हो ?'

उनले सभामुखमार्फत प्रधानमन्त्रीलाई यो रोस्टममा उभ्याएर हिजो दिएका विचारका सम्बन्धमा स्पष्ट पार्न लगाउनुपर्ने बताए ।

'प्रधानमन्त्रीले जवाफ दिनुपर्छ । सम्वाद र सहमतिका आधारमा अगाडि बढाउ,' उनले भने ।

श्रम संस्कृतिका अध्यक्ष हर्क साम्पाङले पनि प्रधानमन्त्री आएर अभिव्यक्ति सच्याउनुपर्ने बताए । नियमावलीअनुसार प्रधानमन्त्री हाजिर गराउन सभामुखलाई अनुरोध गरे ।

राप्रपाका ताहिर अली भाटले पनि प्रधानमन्त्री आएर अभिव्यक्ति सच्याउनुपर्ने बताए ।

प्रकाशित मिति: बुधबार, असार २४, २०८३

प्रतिक्रिया दिनुहोस्