यी आठ जिल्लाका नदीमा आकस्मिक बाढी आउन सक्ने

काठमाडौँ । देशभर मनसुन वायुको प्रभाव कायम रहँदा आज पनि अधिकांश स्थानमा वर्षाको सम्भावना रहेको छ ।

जल तथा मौसम पूर्वानुमान महाशाखाका अनुसार मनसुनको न्यून चापीय रेखा पश्चिममा सरदर स्थानभन्दा केही माथि तथा पूर्वमा सरदर स्थान आसपास रहेकाले देशका विभिन्न भागमा वर्षा हुने छ ।

Watch On

महाशाखाका अनुसार हाल देशभर साधारणतया बदली रहेको छ । बागमती, गण्डकी र लुम्बिनी प्रदेशका पहाडी भूभागका केही स्थान तथा कोशी, कर्णाली र सुदूरपश्चिम प्रदेशका पहाडी भूभागका एकदुई स्थानमा मध्यम वर्षा भइरहेको छ।

देशका विभिन्न ठाउँमा वर्षा भइरहँदा स-साना नदीमा बाढी पूर्वानुमान गरिएको छ ।

बाढी पूर्वानुमान महाशाखाकाअनुसार आज काभ्रेपलाञ्चोक, सिन्धुपाल्चोक, काठमाण्डौ, भक्तपुर, ललितपुर, मकवानपुर, धादिङ, नुवाकोट, चितवन, नवलपरासी पूर्व, पाल्पा, अर्घाखाँची, तनहुँ, लम्जुङ, कास्की, तनहुँ, स्याङ्जा, पर्वत, बाग्लुङ, बाँके, बर्दिया, कैलाली, सुर्खेत र आसपासका जिल्ला भई बहने स-साना नदीहरुको बहाव उल्लेख्य बढ्नेछ । 

महाशाखाकाअनुसार ओखलढुंगा, रामेछाप, रुकुम पूर्व, जाजरकोट, डोटी, डडेल्धुरा, बझांग, दार्चुला र आसपासका जिल्ला भई बहने स-साना नदीहरुमा आकस्मिक बाढीको मध्यम जोखिमको
सम्भावना छ ।

महाशाखाले शनिबार सातै प्रदेश भई बहने केही स-साना नदीहरूमा बहाव आकस्मिक बढ्न सक्ने जनाएको छ ।