नेताका कुरा

के बालेनले मन्त्री फेर्न लागेका हुन् ?

सिधाकुरा

बिहीबार, साउन ७, २०८३

काठमाडौँ । अहिले नेपाली राजनीतिक वृत्तमा मन्त्री फेरिन लागेको हल्ला चर्को छ ।

आज भोलि नै मन्त्री फेरिने समाचार मिडियाहरूमा पनि आइरहेका छन् । केही मन्त्रीहरूलाई कार्यसम्पादनमा कमजोर करार गरेर फेरिने खालको खबरले मन्त्रालय तथा नागरिकमा अन्योलता बढाएको छ ।

Watch On

औपचारिक पुष्ट्याइबिना आएका खबरहरू र अन्योलता स्पष्ट पार्न हामीले प्रधानमन्त्रीका राजनीतिक सल्लाहकार असिम शाहलाई सौध्यौं, के प्रधानमन्त्री बालेन शाहले मन्त्री फेर्न लागेका हुन् ?

उनको स्पष्ट जवाफ छ, 'एउटा पनि मन्त्री फेरिँदैन । जति पनि बाहिर आएको छ भ्रम हो । रास्वपाले कुनै पनि मन्त्री फेर्दैन । सबैको पर्फमेन्समा राम्रो छ । यो यो त्यो भनेर आएका काल्पनिक कथाबाट भ्रमित हुनुहुँदैन । कुनै मन्त्री निकाल्नेवाला छैन ।'

सल्लाहकार शाहले प्रधानमन्त्री र अर्थमन्त्री डा. स्वर्णिम वाग्लेबीच सुमधुर सम्बन्ध रहेको पनि स्पष्ट पारे ।

'अर्थमन्त्री र प्रधानमन्त्रीको सम्बन्ध डे वान जस्तै एकदम सुमधुर छ । कही पनि समस्या छैन । कुनै समस्या छैन,' उनले भने ।

शाहले सरकार अहिले बजेट कार्यान्वयनमा केन्द्रीत भएको र मन्त्रीहरू त्यसमै लागिरहेको बताए । उनले सांसदहरूलाई १५ दिन भुइँमान्छेको पिरमर्का सुन्न पठाइएको र फर्केपछि सरकारले सम्बोधन गर्ने पनि बताए ।

प्रकाशित मिति: बिहीबार, साउन ७, २०८३

प्रतिक्रिया दिनुहोस्