नेताका कुरा

भारतको विदेश मन्त्रालयले भन्यो– बालेनलाई भ्रमणको निम्तो पठाइएको छ

सिधाकुरा

मंगलबार, साउन १२, २०८३

भारतको विदेश मन्त्रालयले भन्यो– बालेनलाई भ्रमणको निम्तो पठाइएको छ

काठमाडौं । भारतीय विदेश मन्त्रालयले नेपालका प्रधानमन्त्री वालेन्द्र शाहलाई भारत भ्रमणको लागि औपचारिक रूपमा निमन्त्रणा पठाइएको बताएको छ ।

भारतीय विदेश मन्त्रालयका प्रवक्ता रणधीर जैसवालले नियमित पत्रकार सम्मेलनका क्रममा सञ्चारकर्मीहरूको जिज्ञासाको जवाफ दिँदै नेपालका प्रधानमन्त्रीलाई भारत भ्रमणको निम्तो पठाइएको आधिकारिक जानकारी दिएका हुन् । यद्यपि, भ्रमणको मिति, समय र एजेन्डाबारे भने उनले केही खुलाएनन् ।

Watch On

पत्रकार सम्मेलनमा भारतीय सञ्चारकर्मीहरूले नेपालका तर्फबाट हालै भएका विभिन्न उच्चस्तरीय भेटघाट र भ्रमणहरूप्रति विशेष चासो राखेका थिए। हालै प्रधानमन्त्री शाहका प्रमुख राजनीतिक सल्लाहकार कुमार बेनले भारत भ्रमण गरी त्यहाँका राष्ट्रिय सुरक्षा सल्लाहकार अजित डोभालसँग भेटवार्ता गरेको प्रसंग उठाइएको थियो। सोही भेटघाट र यो भ्रमणको सम्बन्धबारे प्रश्न गर्दा प्रवक्ता जैसवालले आफूलाई उक्त भेटघाटबारे कुनै औपचारिक जानकारी नरहेको बताए।

त्यसैगरी, नेपालका प्रधानमन्त्रीलाई भारतले छिट्टै स्वागत गर्न लागेको हो वा होइन भन्ने बारेमा पनि उनले कुनै टिप्पणी गर्न चाहेनन्। भ्रमणको तिथि–मिति निश्चित नभए पनि निमन्त्रणा गइसकेको यो भनाइले दुई देशबीच उच्चस्तरीय कूटनीतिक संवादको तयारी भइरहेको संकेत गरेको छ।

प्रकाशित मिति: मंगलबार, साउन १२, २०८३

प्रतिक्रिया दिनुहोस्