एमालेबाट निर्वाचित मेयरसहित चार वडाध्यक्षको पद गयो

काठमाडौं । नेकपा एमालेबाट निर्वाचित मेयरसहित चार वडाध्यक्षको पद भयो रिक्त भएको छ । निर्वाचन आयोगले शुक्रबार विज्ञप्ति जारी गर्दै राजनीतिक दल सम्बन्धी ऐन, २०७३ को दफा ३२ को उपदफा (१) र राजनीतिक दल सम्बन्धी नियमावली, २०७४ को नियम २२ बमोजिम दल त्याग अनुरूप उनीहरूको पद रिक्त भएको सूचना प्रकाशित गरेको हो ।

पद रिक्त हुनेमा रौतहटको देवाही गोनाही नगरपालिकाका मेयर प्रेमलाल साह कानु छन् । मोरङ, बेलबारी–३ का वडाध्यक्ष योगेन्द्रप्रसाद सुवेदी, जाजरकोट, भेरी–१०का वडाध्यक्ष दलबहादुर राना, दिक्तेल रूपाकोट मझुवागढी–१४ का वडाध्यक्ष्ग दिनेशकुमार राईको पनि पद रिक्त भएको छ । देवाही गोनाही नगरपालिका–४ का वडाअध्यक्ष रामप्रवेशप्रसाद कुर्मी, खोटाङ, खोटेहाङ गाउँपालिका–४ का वडासदस्य प्रदीप आचार्य छन् ।

Watch On

नेपाल कम्युनिष्ट पार्टी (एमाले) बाट २०७९ सालको स्थानीय तहको निर्वाचनमा निर्वाचित भएका यी जनप्रतिनिधिहरूले पार्टीको विधान प्रतिकूल कार्य गरी दल परित्याग गरेको भनी केन्द्रीय सचिवालयको निर्णयको प्रतिलिपि सहित आयोगमा जानकारी प्राप्त हुन आएकोले निजहरू निर्वाचित भएका तपसिलका पालिका ÷ तहको निर्वाचित पद स्वतः रिक्त भएको भनी आयोगबाट मिति साउन १४ गते निर्णय भएको हुँदा राजनीतिक दल सम्बन्धी नियमावली, २०७४ को नियम २२ को उपनियम (२) बमोजिम सम्बन्धित सबैमा जानकारीका लागि यो सूचना प्रकाशन गरिएको छ,’ आयोगले भनेको छ ।