रास्वपाले सांसदलाई संसद बैठकमा अनुपस्थितिका लागि आवेदन अनिवार्य गर्‍यो

काठमाडौं । राष्ट्रिय स्वतन्त्र पार्टी (रास्वपा) ले संसद बैठकलाई थप व्यवस्थित र प्रभावकारी बनाउने उद्देश्यले आफ्ना सांसदहरूलाई बैठकमा अनुपस्थित हुने वा बैठक छाड्नुपर्ने अवस्थामा आवेदन अनिवार्य गरेको छ।

रास्वपाले सांसदहरूलाई पठाएको निर्देशनअनुसार कारणवश संसद बैठकमा उपस्थित हुन नसकेमा, बैठकमा ३० मिनेटभन्दा ढिलो उपस्थित हुने भएमा, उपस्थित भएर बैठक बीचमै छाड्नुपर्ने भएमा वा बैठकको बीचमा बाहिर गएर पुनः फर्किनुपर्ने भएमा ‘संसद बैठक अनुपस्थित आवेदन’ फारम अनिवार्य रूपमा पेस गर्नुपर्ने व्यवस्था गरिएको हो।

Watch On

रास्वपाले सांसदहरूलाई पठाएको निर्देशनमा भनिएको छ, ‘कारणवश संसद बैठकमा उपस्थित हुन नसकेमा, बैठकमा ३० मिनेटभन्दा ढिलो उपस्थित हुने अवस्थामा, उपस्थित भएर बैठक बीचमै छोड्नुपर्ने भएमा वा बैठकको बीचमा बाहिर गई फर्किनुपर्ने भएमा संसद बैठक अनुपस्थित आवेदन फारम अनिवार्य पेश गर्न निर्देशन गरिन्छ।’

निर्देशनअनुसार सांसदहरूले यी चार अवस्थामा आवेदन दिनुपर्नेछ :

क. संसद बैठकमा पूरै उपस्थित हुन नसक्ने भएमा।

ख. बैठकमा ३० मिनेटभन्दा ढिलो उपस्थित हुने भएमा।

ग. बैठकमा उपस्थित भएर बीचमै छाड्नुपर्ने भएमा।

घ. बैठकको बीचमा बाहिर गएर पुनः फर्किनुपर्ने भएमा।

रास्वपाले संसद बैठकमा सांसदहरूको उपस्थिति र सहभागितालाई थप व्यवस्थित बनाउन यस्तो व्यवस्था गरेको हो।