मुख्य समाचार

नेपाल रेडक्रस सोसाइटीले ७ वटै प्रदेश र १५ जिल्ला शाखालाई स्पष्टीकरण सोध्यो

सिधाकुरा

बुधबार, भदौ ३, २०८३

नेपाल रेडक्रस सोसाइटीले ७ वटै प्रदेश र १५ जिल्ला शाखालाई स्पष्टीकरण सोध्यो

काठमाडौं । नेपाल रेडक्रस सोसाइटीले विधानविपरीत गतिविधि गरेको तथा वैधानिक दायित्व पूरा नगरेको भन्दै ७ वटै प्रदेश समिति र १५ वटा जिल्ला शाखा समितिहरूलाई स्पष्टीकरण पेस गर्न निर्देशन दिएको छ।

केन्द्रीय तदर्थ समितिको ३१६औं बैठकको निर्णयअनुसार पठाइएको पत्रमा पत्र प्राप्त भएको ३ दिनभित्र चित्तबुझ्दो जवाफ पेस गर्न भनिएको छ। तोकिएको समयमा सन्तोषजनक जवाफ नआएमा नियमानुसार विघटनलगायतका वैधानिक कारबाही अगाडि बढाइने चेतावनीसमेत दिइएको छ।

Watch On

रेडक्रसले जिल्ला शाखाबाट सदस्यता विवरण नियमित अध्यावधिक नगरेको, केन्द्रीय विनियम, निर्देशिका तथा निर्णयहरूको पालना नगरेको, विभिन्न राजनीतिक दल र तिनका भ्रातृ संगठनमा आबद्ध भई रेडक्रसका आधारभूत सिद्धान्तहरूको उल्लङ्घन गरेको, सोसाइटिको स्वीकार्यता, पारदर्शिता र निष्ठामा प्रश्न उठेक तथा स्रोतसाधनको दुरुपयोग भएको भन्दै स्पष्टीकरण सोधेको हो ।

स्पष्टीकरण सोधिएका प्रदेश समितिहरू

बागमती, सुदूरपश्चिम, लुम्बिनी, कर्णाली, मधेश, कोशी र गण्डकी प्रदेश समिति।

स्पष्टीकरण सोधिएका जिल्ला शाखा समितिहरू

सुनसरी, रौतहट, सिन्धुपाल्चोक, चितवन, मकवानपुर, कपिलवस्तु, भोजपुर, सप्तरी, संखुवासभा, रसुवा, बारा, स्याङ्जा, काभ्रेपलाञ्चोक, तनहुँ र पर्सा जिल्ला शाखा।

प्रकाशित मिति: बुधबार, भदौ ३, २०८३

प्रतिक्रिया दिनुहोस्