सुनको मूल्य तोलामा ३ हजार ३०० रुपैयाँले बढ्यो

काठमाडौं । नेपाली बजारमा सुनको मूल्य लगातार उकालो लागिरहेको छ । शुक्रबार छापावाल सुनको मूल्य प्रतितोला ३ हजार ३०० रुपैयाँले बढेको छ ।

नेपाल सुनचाँदी व्यवसायी महासंघका अनुसार शुक्रबार सुनको मूल्य प्रतितोला ३ लाख १६ हजार ७०० रुपैयाँ पुगेको छ । बिहीबार सुनको मूल्य प्रतितोला ९ हजार ३०० रुपैयाँले बढेर ३ लाख १३ हजार ४०० रुपैयाँ पुगेको थियो ।

Watch On

त्यसअघि बुधबार सुनको मूल्य प्रतितोला ५ हजार ६०० रुपैयाँले घटेर ३ लाख ४ हजार १०० रुपैयाँमा झरेको थियो । मंगलबार भने सुन प्रतितोला ३ लाख ६ हजार ८०० रुपैयाँमा स्थिर रहेको थियो ।

आइतबार ३ हजार ६०० रुपैयाँले बढेर ३ लाख ५ हजार २०० रुपैयाँ पुगेको सुनको मूल्य सोमबार थप १ हजार ६०० रुपैयाँले बढेर ३ लाख ६ हजार ८०० रुपैयाँ पुगेको थियो ।

चाँदी पनि बढ्यो

शुक्रबार चाँदीको मूल्य पनि प्रतितोला १३० रुपैयाँले बढेको छ । महासंघका अनुसार शुक्रबार चाँदी प्रतितोला ४ हजार ९८५ रुपैयाँ पुगेको छ ।

बिहीबार चाँदीको मूल्य प्रतितोला २६० रुपैयाँले बढेर ४ हजार ८५५ रुपैयाँ पुगेको थियो । बुधबार १६० रुपैयाँले घटेर ४ हजार ५९५ रुपैयाँमा झरेको चाँदी मंगलबार १५ रुपैयाँले घटेर ४ हजार ७५५ रुपैयाँमा कारोबार भएको थियो ।

त्यस्तै, सोमबार चाँदीको मूल्य प्रतितोला ६० रुपैयाँले बढेर ४ हजार ७७० रुपैयाँ पुगेको थियो भने आइतबार ५० रुपैयाँले बढेर ४ हजार ७१० रुपैयाँमा कारोबार भएको थियो ।