मुख्य समाचार

पेटमा लुकाएर सुन तस्करी गरेको आरोपमा बंगलादेशी नागरिक विमानस्थलबाट पक्राउ

सिधाकुरा

शुक्रबार, भदौ ५, २०८३

पेटमा लुकाएर सुन तस्करी गरेको आरोपमा बंगलादेशी नागरिक विमानस्थलबाट पक्राउ

काठमाडौं । पेटभित्र क्याप्सुल आकारमा लुकाएर सुनजस्तो देखिने धातु ल्याउने एक बंगलादेशी नागरिक त्रिभुवन अन्तर्राष्ट्रिय विमानस्थलबाट पक्राउ परेका छन्।

पक्राउ पर्नेमा ३५ वर्षीय बंगलादेशी नागरिक मोहम्मद रासेल हल्दार रहेका छन्। उनी फ्लाई दुबईको उडान नम्बर एफजेड–११३३ मार्फत काठमाडौं आएका थिए।

Watch On

विमानस्थलको अन्तर्राष्ट्रिय आगमनतर्फ भन्सार क्षेत्र पार गरी पार्किङ एरियातर्फ जाँदै गरेका हल्दारलाई विमानस्थल सुरक्षा कार्यालयबाट सादा पोसाकमा खटिएको प्रहरी टोलीले शंकाका आधारमा नियन्त्रणमा लिएको थियो।

प्रहरीका अनुसार प्रारम्भिक सोधपुछका क्रममा उनले पेटमा १५ ग्राम सुन लुकाएर ल्याएको बताएका थिए। त्यसपछि काठमाडौं मेडिकल कलेज, सिनामंगलमा गरिएको पेल्भिक एरियाको एक्स–रे परीक्षणमा उनको पेटभित्र शंकास्पद धातु देखिएको थियो।

अस्पतालमा पाँच दिन निगरानीमा राखिएका हल्दारको स्वास्थ्यमा कुनै प्रतिकूल असर नदेखिएपछि शौच गराउँदा पेटबाट अन्दाजी १५० ग्राम तौल भएका पहेंलो सुनजस्तो देखिने क्याप्सुल आकारका दुई थान धातु बरामद भएको प्रहरीले जनाएको छ।

पक्राउ परेका हल्दारलाई आवश्यक अनुसन्धान तथा प्रचलित कानुनबमोजिम कारबाहीका लागि त्रिभुवन अन्तर्राष्ट्रिय विमानस्थल भन्सार कार्यालय, गौचरमा बुझाइएको छ।

प्रकाशित मिति: शुक्रबार, भदौ ५, २०८३

प्रतिक्रिया दिनुहोस्

सिफारिस

फेरि किन उचाल्न खोजिँदैछ राष्ट्रवादको नारा ?

खगेन्द्र प्रकरण– कसरी पदमुक्त हुन्छन् निर्वाचित सांसद ?

हिउँदमा लोडसेडिङको जोखिम, बिजुली आपूर्ति गर्न के छ सरकारको तयारी ?

गगनले जगाउन खोजेको कांग्रेस

चोलेन्द्र प्रकरणः सरकार, प्रहरी र सर्वोच्च तरंगित

सिधाकुरा

The Reporter

Current Affairs

Sidhakura Investigation

थप मुख्य समाचार

प्रधानमन्त्रीसँग भारतीय विदेश सचिवको भेट, भारत भ्रमणबारे छलफल

बिहीबार, कात्तिक १९, २०८३

एनपिएलमा सट्टेबाजी गर्ने युवक पक्राउ, करिब ९० लाखकाे काराेबार गरेकाे खुल्याे

काठमाडौँको कीर्तिपुरस्थित त्रिवि क्रिकेट मैदानमा सञ्चालन भइरहेको एनपिएल २०२६ मा केही व्यक्तिहरूले अनलाइन मार्फत सट्टेबाजी गर्ने/गराउने गरेको भन्ने सूचनाको आधारमा काठमाडौँ उपत्यका अपराध अनुसन्धान कार्यालयबाट खटिएको प्रहरीले उनलाई... बिहीबार, कात्तिक १९, २०८३

पुनर्बहालीको मागसहित पदमुक्त आईजीपी कार्की सर्वोच्चमा

बिहीबार, कात्तिक १९, २०८३

काठमाडौँ महानगरले तोक्यो फूल बेच्ने ठाउँ

यससँगै तीनकुने चौर र सिफल चौरमा पनि किसानले फूल बिक्री गर्न पाउनेछन् । यसरी स्थान उपलब्ध गराइएका तर सम्पर्क नम्बर नभएका स्थानका लागि महानगर प्रहरी बलले सहजीकरण गर्नेछ... बिहीबार, कात्तिक १९, २०८३