मुख्य समाचार

बस र मोटरसाइकल ठोक्किँदा दुई जनाको मृत्यु

सिधाकुरा

शनिबार, भदौ ६, २०८३

बस र मोटरसाइकल ठोक्किँदा दुई जनाको मृत्यु

नारायणगढ । चितवनको खैरहनी नगरपालिका–१ तरकारी चोकस्थित पूर्व–पश्चिम राजमार्गमा बस र मोटरसाइकल ठोक्किँदा दुई जनाको मृत्यु भएको छ।

आज दिउँसो नारायणगढबाट बर्दिबासतर्फ जाँदै गरेको बागमती प्रदेश ०३–००१ ख २७७३ नम्बरको बस र विपरीत दिशाबाट आउँदै गरेको बागमती प्रदेश ०१–०१५ प ३३८५ नम्बरको मोटरसाइकल आपसमा ठोक्किएका थिए।

Watch On

दुर्घटनामा मोटरसाइकल चालक अन्दाजी ३२ वर्षीय पुरुष र पछाडि सवार अन्दाजी २६ वर्षीया महिला गम्भीर घाइते भएका थिए। दुवैलाई उपचारका लागि भरतपुरस्थित चितवन मेडिकल कलेज लगिएको थियो।

जिल्ला प्रहरी कार्यालय चितवनका सूचना अधिकारी एवं प्रहरी नायब उपरीक्षक चन्द्रभूषण यादवका अनुसार उपचारका क्रममा मोटरसाइकल चालकको दिउँसो १ः५५ बजे र महिलाको २ बजे मृत्यु भएको हो।

मृतक दुवैको नाम, थर र ठेगाना खुल्न बाँकी रहेको प्रहरीले जनाएको छ।

दुर्घटनापछि बस चालक सर्लाहीको हरिवन नगरपालिका–८ का ५१ वर्षीय अजयकुमार मास्केलाई प्रहरीले नियन्त्रणमा लिएको छ। बस र मोटरसाइकल पनि प्रहरीको नियन्त्रणमा छन्।

घटनाबारे थप अनुसन्धान भइरहेको प्रहरी नायब उपरीक्षक यादवले जानकारी दिए।

प्रकाशित मिति: शनिबार, भदौ ६, २०८३

प्रतिक्रिया दिनुहोस्

सिफारिस

फेरि किन उचाल्न खोजिँदैछ राष्ट्रवादको नारा ?

खगेन्द्र प्रकरण– कसरी पदमुक्त हुन्छन् निर्वाचित सांसद ?

हिउँदमा लोडसेडिङको जोखिम, बिजुली आपूर्ति गर्न के छ सरकारको तयारी ?

गगनले जगाउन खोजेको कांग्रेस

चोलेन्द्र प्रकरणः सरकार, प्रहरी र सर्वोच्च तरंगित

सिधाकुरा

The Reporter

Current Affairs

Sidhakura Investigation

थप मुख्य समाचार

प्रधानमन्त्रीसँग भारतीय विदेश सचिवको भेट, भारत भ्रमणबारे छलफल

बिहीबार, कात्तिक १९, २०८३

एनपिएलमा सट्टेबाजी गर्ने युवक पक्राउ, करिब ९० लाखकाे काराेबार गरेकाे खुल्याे

काठमाडौँको कीर्तिपुरस्थित त्रिवि क्रिकेट मैदानमा सञ्चालन भइरहेको एनपिएल २०२६ मा केही व्यक्तिहरूले अनलाइन मार्फत सट्टेबाजी गर्ने/गराउने गरेको भन्ने सूचनाको आधारमा काठमाडौँ उपत्यका अपराध अनुसन्धान कार्यालयबाट खटिएको प्रहरीले उनलाई... बिहीबार, कात्तिक १९, २०८३

पुनर्बहालीको मागसहित पदमुक्त आईजीपी कार्की सर्वोच्चमा

बिहीबार, कात्तिक १९, २०८३

काठमाडौँ महानगरले तोक्यो फूल बेच्ने ठाउँ

यससँगै तीनकुने चौर र सिफल चौरमा पनि किसानले फूल बिक्री गर्न पाउनेछन् । यसरी स्थान उपलब्ध गराइएका तर सम्पर्क नम्बर नभएका स्थानका लागि महानगर प्रहरी बलले सहजीकरण गर्नेछ... बिहीबार, कात्तिक १९, २०८३