राप्रपाको निर्णयप्रति कमल थापाको टिप्पणी– यो फेक हो कि जस्तो लाग्छ !

काठमाडौं । राष्ट्रिय प्रजातन्त्र पार्टी (राप्रपा) का पूर्वअध्यक्ष कमल थापाले पार्टीले पछिल्लो समय गरेको भनिएको निर्णयप्रति आश्चर्य व्यक्त गरेका छन् ।

थापाले गत भदौ ४ गतेपछि राप्रपा केन्द्रीय कार्यसम्पादन समितिको कुनै बैठक नै नबसेको दाबी गर्दै बैठक नबसी तीन जना सांसदहरूलाई पदमुक्त गर्ने निर्णय कसरी आयो भन्ने प्रश्न उठाएका हुन् ।

Watch On

उनले सार्वजनिक भएको निर्णयपत्रमा कुन मितिमा केन्द्रीय कार्यसम्पादन समितिको बैठक बसेको हो भन्ने उल्लेख नभएको भन्दै उक्त पत्रको आधिकारिकतामाथिसमेत प्रश्न गरेका छन् ।

‘गत भदौ ४ गतेपछि राप्रपा केन्द्रीय कार्यसम्पादन समितिको कुनै बैठक बसेको छैन । यस्तो अवस्थामा यो निर्णय कसरी आयो, म आश्चर्यचकित भएको छु,’ थापाले भनेका छन् ।

उनले निर्णयपत्रमा बैठकको मिति उल्लेख नभएको भन्दै ‘फेक हो कि भन्ने पनि लाग्छ’ भनेका छन् ।

‘यो सत्य नहोस्,’ थापाले प्रतिक्रिया दिएका छन् । 

राप्रपाले सोमबार पार्टीको निर्देशन र ह्विप उल्लंघन गरेको भन्दै बागमती प्रदेश सरकारमा सहभागी भएका तीन प्रदेशसभा सदस्यलाई पदमुक्त गर्ने निर्णय गर्दै प्रदेश सभालाई पत्र पठाएको थियो ।

राप्रपाका अनुसार पार्टीको पटकपटकको निर्देशन अवज्ञा गरेको, पार्टीको ह्विप उल्लंघन गरेको तथा केन्द्रीय कार्यसम्पादन समितिको निर्णयविपरीत बागमती प्रदेश सरकारमा सहभागी भएको भन्दै राजु विष्ट, राजेन्द्र प्रजापति र गिरबहादुर तामाङलाई केन्द्रीय अनुशासन समितिको सिफारिसमा पदमुक्त गरिएको हो ।

राप्रपा प्रवक्ता मोहन श्रेष्ठका अनुसार तीनै जनालाई पदमुक्त गरिएको सम्बन्धी पत्र सोमबार नै बागमती प्रदेशसभाका उपसभामुखलाई जानकारी गराइएको छ ।

उक्त पत्र उपसभामुखको आदेशमा प्रदेशसभा सचिवालयमा दर्तासमेत भएको श्रेष्ठले जानकारी दिए ।

राप्रपाले पार्टी निर्णयविपरीत प्रदेश सरकारमा सहभागी भएको भन्दै यसअघि तीनै सांसदलाई स्पष्टीकरण सोधेको थियो । स्पष्टीकरणपछि केन्द्रीय अनुशासन समितिको सिफारिसका आधारमा उनीहरूलाई