अनलाइनबाटै कर्मचारी सरूवा व्यवस्थापन प्रणालीले उपसचिवलाई दिएको खुसी

काठमाडौं । पदमप्रसाद बजगाईं नेपाल सरकारका उपसचिव हुन् । उनले २७ वर्ष निजामती सेवामा बिताइसकेका छन् ।

सेवाका दौरान उनले तराई, भित्री मधेसदेखि देशको सुदूरपूर्वी भूगोलसमेत छिचोलेका छन् ।

Watch On

२७ वर्षे जागिरको अवधिमा उनले तराईको जनकपुर, मोरङ, हिमाली जिल्लाको ३४०० मिटर उचाइको नाम्चेसम्म पुगेर सेवा दिए ।

यसप्रति उनको गुनासो हुने कुरा भएन । किनभने उनी जागिर नै यसका लागि खाएका थिए । तोकेको काम गर्नु उनीहरूको पदीय जिम्मेवारी नै हो ।

र त बजगाईं सेवाका लागि भित्री मधेसको हेटौँडा, चितवन, सुर्खेतमा पनि सेवाका लागि पुगेका छन् ।

बजगाईंका अनुसार उनको तीन जनाको परिवार छ । त्यसमध्ये दुई जना निजामती सेवामै छन् । पत्नी पनि निजामती सेवामा हुँदा बालबच्चाको बिजोग हुने भयो ।

सेवाका क्रममा पारिवारिक जिम्मेवारीले गाँज्दा उनले पटकपटक सरूवाका लागि तालुकवाला निकायमा अनुरोध गरेका थिए । 

‘यसअघि बाहिर टन्नै बसेकै हो, अब दुई वर्ष त हो भनेर सुर्खेत गइयो, २०७९ मा । त्यसपछि मोफसल हेटौँडा, चितवन बसियो । यस बीचमा सबै संघ–संगठन तथा चिनेजानेका जिल्लाका ठूला पदकाहरू, जागिरमा जिउहजुर भनेर मानेकाहरू सबैलाई बिन्ती बिसाए पनि घरपायक (काठमाडौं उपत्यका ) सरूवा फलामको चिउरा जत्तिकै भएको थियो,’ उनले त्यतिबेलाको कटु अनुभव सुनाउँदै भनेका छन् ।
पछिल्लो पटक २०८१ चैत १ गतेदेखि आफ्नै जन्मभूमि खाँदबारीले बोलाएको उनले बताए । 

उनले त्यहाँ पनि १६ महिना अवधि बिताए । 

‘त्यहाँ सोचेजति गर्न सकिनँ तर केही सकेको गरेँ होला मूल्यांकन हजुरहरूको,’ उनले भनेका छन् ।

सेवा अवधिको उत्तरार्धमा सरकारले अघि सारेको एउटा नीतिले आफूलाई खुसी दिलाएको उनको भनाइ छ । सरकारले पपिछल्लोपटक अनलाइनबाटै कर्मचारी सरूवा व्यवस्थापन प्रणाली सुरू गरेको छ । जहाँ कर्मचारीले घरमै बसीबसी आवेदन दिन सक्नेछन् । तालुकवाला निकायले प्राथमिकताका आधारमा निवेदनमाथि प्रक्रिया अघि बढाउने छ।

‘अहिले वर्तमान सरकारले मेरा लागि अनलाइन सिस्टमबाटै घरपायक (चिकित्सा शिक्षा आयोगमा) जागिर गर्ने मौका जुरायो । यसप्रति माननीय प्रतिभा रावल मन्त्रीज्यूप्रति हार्दिक आभार व्यक्त गर्न चाहन्छु,’ उनले खुसी व्यक्त गर्र्दै भनेका छन् ।