समाज

भोटेकोशी बाढी : मोरङका १५ जना सम्पर्कविहीन, तीन जनाको उद्धार

सिधाकुरा

शुक्रबार, भदौ १२, २०८३

भोटेकोशी बाढी : मोरङका १५ जना सम्पर्कविहीन, तीन जनाको उद्धार

मोरङ । रसुवाको भोटेकोशी नदीमा बुधबार आएको बाढीपछि मोरङका १५ जना सम्पर्कविहीन भएका छन्। विभिन्न कामका सिलसिलामा रसुवा, धादिङ र नुवाकोट पुगेका उनीहरू बाढीपछि सम्पर्कविहीन भएको जिल्ला प्रशासन कार्यालय मोरङले जनाएको छ।

Watch On

प्रमुख जिल्ला अधिकारी युवराज कटेलका अनुसार सम्पर्कविहीनको खोजी भइरहेको छ। बाढी प्रभावित क्षेत्रबाट तीन जनाको भने उद्धार गरिएको छ। उनीहरूको विभिन्न अस्पतालमा उपचार भइरहेको कटेलले जानकारी दिए।

सम्पर्कविहीन हुनेमा विराटनगर महानगरपालिका–७ का शिवशंकर गुप्ता र सोमप्रसाद कटेल, बेलबारी नगरपालिका–११ का अनुज धमला, सुन्दरहरैचा नगरपालिकाकी पूजा आचार्य र उनकी तीन वर्षीया छोरी, सूर्यबहादुर कार्की र भोजराज अधिकारी छन्।

त्यस्तै, लेटाङ नगरपालिकाका मेघा चेम्जोङ, शोना चेम्जोङ, देवीमाया तामाङ र पासाङ तामाङ, रंगेली नगरपालिका–६ का सुरज मण्डल, पथरी शनिश्चरे नगरपालिका–७ की रिचा निरौला, विराटनगर एयरपोर्ट मोडका सचिन गौतम र विराटनगर महानगरपालिका–१ का दुर्गाप्रसाद पोखरेल सम्पर्कविहीन रहेको प्रशासनले जनाएको छ।

प्रशासनले उनीहरूको अवस्था पत्ता लगाउन सम्बन्धित निकायसँग समन्वय गरी खोजी कार्य जारी राखेको जनाएको छ।

प्रकाशित मिति: शुक्रबार, भदौ १२, २०८३

प्रतिक्रिया दिनुहोस्