डलरको भाउ बढ्यो, युरो र पाउन्ड सस्तिए

काठमाडौँ । अमेरिकी डलरको भाउ बढेको छ भने युरोपियन युरो र बेलायती पाउन्डसहित केही प्रमुख विदेशी मुद्राको मूल्य घटेको छ।

Watch On

नेपाल राष्ट्र बैंकले शनिबार (२८ कात्तिक) का लागि निर्धारण गरेको विनिमयदरअनुसार अमेरिकी डलर एकको खरिददर १५० रुपैयाँ ४९ पैसा र बिक्रीदर १५१ रुपैयाँ ६ पैसा कायम भएको छ। शुक्रबार डलरको खरिददर १५० रुपैयाँ १८ पैसा र बिक्रीदर १५० रुपैयाँ ७८ पैसा थियो। यसअनुसार एक दिनमा डलरको खरिददर ३१ पैसा र बिक्रीदर २८ पैसा बढेको छ।

युरोपियन युरो भने सस्तिएको छ। आज युरो एकको खरिददर १६६ रुपैयाँ ४३ पैसा र बिक्रीदर १६७ रुपैयाँ १० पैसा छ। शुक्रबार यसको खरिददर १६६ रुपैयाँ ६० पैसा र बिक्रीदर १६७ रुपैयाँ २७ पैसा थियो। युरोको खरिद तथा बिक्रीदर दुवै १७ पैसाले घटेको छ।

बेलायती पाउन्ड स्टर्लिङको मूल्य पनि घटेको छ। आज एक पाउन्डको खरिददर १९९ रुपैयाँ १६ पैसा र बिक्रीदर १९९ रुपैयाँ ९५ पैसा छ। अघिल्लो दिन यसको खरिददर १९९ रुपैयाँ ३१ पैसा र बिक्रीदर २०० रुपैयाँ ११ पैसा थियो। यसअनुसार खरिददर १५ पैसा र बिक्रीदर १६ पैसा घटेको छ।

स्विस फ्र्याङ्कको मूल्यमा पनि उल्लेख्य गिरावट आएको छ। शुक्रबार एक स्विस फ्र्याङ्कको बिक्रीदर १८१ रुपैयाँ २८ पैसा रहेकामा शनिबार १८० रुपैयाँ ५० पैसामा झरेको छ। यसमा ७८ पैसाको गिरावट आएको हो।

अस्ट्रेलियन डलरको मूल्य पनि घटेको छ। यसको बिक्रीदर शुक्रबार १०२ रुपैयाँ ९३ पैसा रहेकामा आज १०२ रुपैयाँ ६८ पैसा कायम भएको छ। यता क्यानेडियन डलरको बिक्रीदर भने १७ पैसाले बढेर १०५ रुपैयाँ ९६ पैसा पुगेको छ। सिंगापुर डलरको बिक्रीदर ४ पैसाले बढेर ११७ रुपैयाँ ३९ पैसा कायम भएको छ।

खाडी मुलुकका मुद्रातर्फ साउदी अरेबियन रियाल एकको खरिददर ४० रुपैयाँ १० पैसा र बिक्रीदर ४० रुपैयाँ २६ पैसा पुगेको छ। अघिल्लो दिन यसको बिक्रीदर ४० रुपैयाँ १८ पैसा थियो। कतारी रियालको बिक्रीदर ४१ रुपैयाँ ३७ पैसाबाट बढेर ४१ रुपैयाँ ४५ पैसा पुगेको छ।

युएई दिरामको बिक्रीदर पनि ४१ रुपैयाँ ५ पैसा बाट बढेर ४१ रुपैयाँ १४ पैसा पुगेको छ। मलेसियन रिङ्गेटको बिक्रीदर भने एक पैसा घटेर ३६ रुपैयाँ ९६ पैसा कायम भएको छ।

खाडी क्षेत्रका उच्च मूल्यका मुद्रामध्ये कुवेती दिनार एकको बिक्रीदर ४८९ रुपैयाँ ६० पैसा पुगेको छ। शुक्रबार यसको बिक्रीदर ४८८ रुपैयाँ ५९ पैसा थियो। त्यस्तै बहराइन दिनारको बिक्रीदर ४०० रुपैयाँ ६१ पैसा र ओमानी रियालको ३९२ रुपैयाँ ४३ पैसा कायम भएको छ। यी दुवै मुद्राको मूल्य अघिल्लो दिनको तुलनामा बढेको छ।

जापानी येन १० को बिक्रीदर नौ रुपैयाँ ४५ पैसा र चिनियाँ युआन एकको नौ रुपैयाँ ६५ पैसा कायम भएको छ। दक्षिण कोरियाली वन १०० को बिक्रीदर ११ रुपैयाँ ३१ पैसा छ।

भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा कायम छ। यसको विनिमयदरमा परिवर्तन भएको छैन।

राष्ट्र बैंकले निर्धारण गरेको विनिमयदर आवश्यकताअनुसार जुनसुकै समयमा पनि संशोधन गर्न सकिने जनाएको छ। वाणिज्य बैंकहरूले तोक्ने विनिमयदर भने फरक हुन सक्छ। अद्यावधिक विनिमयदर केन्द्रीय बैंकको वेबसाइटमा उपलब्ध हुने जनाइएको छ।