नेभिगेशन
समाज

एनभिडियाको सीईओमा हुवाङको पुनरागमनलाई ट्रम्पको समर्थन

वासिङ्टन । अमेरिकी राष्ट्रपति डोनाल्ड ट्रम्पले सेमिकन्डक्टर उत्पादक कम्पनी एनभिडियाको प्रमुख कार्यकारी अधिकृत (सीईओ) का रूपमा जेन्सेन हुवाङको पुनरागमनलाई समर्थन गरेका छन्।

Watch On

Facebook Tiktok Youtube Instagram Twitter

चिनियाँ गुप्तचर निकायसँगको कथित सम्बन्धबारे उठेका चिन्ताहरूलाई खारेज गर्दै ट्रम्पले हुवाङ पुनः कम्पनीको नेतृत्वमा फर्किएमा आफूलाई कुनै आपत्ति नहुने बताएका हुन्।

Marvel
Extreme Energy

विवाहेत्तर सम्बन्धको आरोपपछि श्रीमती लोरी हुवाङप्रति ‘अविश्वासी’ रहेको स्वीकार गर्दै चौतर्फी दबाबका कारण हुवाङले गत हप्ता एनभिडियाको सीईओ पदबाट राजीनामा दिएका थिए।

चीन भ्रमणमा निस्कनुअघि सोमबार पत्रकारहरूसँग कुरा गर्दै राष्ट्रपति ट्रम्पले हुवाङको पुनर्बहालीबारे भने, 'मलाई त्यसमा कुनै आपत्ति हुनेछैन। पक्कै पनि यो नराम्रो विचार होइन।' एनभिडियाकै कर्मचारीहरूसँगको सम्बन्धको आरोप बाहिरिएपछि हुवाङले 'ठूलो पाठ सिकेको' ट्रम्पको भनाइ छ।

चिनियाँ जासुसीको आरोप ट्रम्पद्वारा अस्वीकार 

अमेरिकी गुप्तचर निकायहरूलाई उद्धृत गर्दै आएका समाचारहरूमा जेन्सेन हुवाङ 'एलिस हुवाङ' नामकी एक महिलासँग नजिकको सम्बन्धमा रहेको र उनी चिनियाँ गुप्तचर एजेन्ट भएको आशंका गरिएको थियो। एलिस सिंगापुरस्थित क्लाउड कम्प्युटिङ कम्पनी 'मेगास्पिड इन्टरनेशनल' की उच्च अधिकारी हुन्, जुन एनभिडियाको सबैभन्दा ठूलो विदेशी ग्राहकमध्ये एक हो।

यद्यपि, ट्रम्पले एलिस हुवाङले चीनका लागि जासुसी गरिरहेको भन्ने चिन्तालाई अस्वीकार गरेका छन्। उनले भने, 'सामान्यतया के हुन्छ भने, चीनबाट देशमा आउने कुनै पनि सुन्दर महिलालाई मानिसहरू जासुस भनिदिन्छन्। उनी जासुस थिइन् भन्ने मलाई लाग्दैन।'

यसअघि ट्रम्पले एनभिडियाको नयाँ प्रमुख कार्यकारीका रूपमा एप्पलका पूर्व सीईओ टिम कुकको नाम समेत अघि सारेका थिए। तर अहिले उनले जेन्सेनले ठूलो पाठ सिकिसकेकाले उनको पुनरागमन नै उपयुक्त हुने संकेत गरेका छन्।

चीनको सेन्जेनमा आयोजना हुने एपेक शिखर सम्मेलनको साइडलाइनमा चिनियाँ राष्ट्रपति सी जिनपिङसँग भेटवार्ता गर्न लागेका ट्रम्पले उक्त भेटमा एलिस हुवाङ र उनी जासुस थिइन् वा थिइनन् भन्ने विषयमा सीसँग कुरा गर्न सक्ने बताएका छन्।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
एनपिएलमा नेपाली खेलाडीको प्रदर्शन कस्तो ? विदेशी क्रिकेटरले के सिकाए ?

एनपिएलमा नेपाली खेलाडीको प्रदर्शन कस्तो ? विदेशी क्रिकेटरले के सिकाए ?

तेस्रो संस्करणको नेपाल प्रिमियर लिग (एनपिएल) क्रिकेटको लिग चरणमा नेपाली खेलाडीले बलिङतर्फ प्रभावशाली प्रदर्शन गरेका छन् ।
कांग्रेसको ‘हामी तयार छौँ’ अभियान आजदेखि

कांग्रेसको ‘हामी तयार छौँ’ अभियान आजदेखि

प्रमुख प्रतिपक्षी नेपाली कांग्रेसले आजदेखि ‘हामी तयार छौँ’ अभियान सञ्चालन गर्दैछ।
एनपिएल : पहिलो क्वालिफायरमा आज लुम्बिनी लायन्स र सुदूरपश्चिम रोयल्स भिड्दै

एनपिएल : पहिलो क्वालिफायरमा आज लुम्बिनी लायन्स र सुदूरपश्चिम रोयल्स भिड्दै

नेपाल प्रिमियर लिग (एनपिएल) सिजन ३ अन्तर्गत पहिलो क्वालिफायरको रोमाञ्चक भिडन्तमा आज लुम्बिनी लायन्स र सुदूरपश्चिम रोयल्स आमनेसामने हुँदैछन् ।