सबै कुरा

नेपाली माटोको रक्षा गर्न तपाईंको खुट्टा नकाँपोेस् प्रधानमन्त्री ज्यू – विराजभक्त श्रेष्ठ

सिधाकुरा

बिहीबार, भदौ २१, २०८०

नेपाली माटोको रक्षा गर्न तपाईंको खुट्टा नकाँपोेस् प्रधानमन्त्री ज्यू – विराजभक्त श्रेष्ठ

२१ भदौ, काठमाडौं । राष्ट्रिय स्वतन्त्र पार्टीका सांसद विराजभक्त श्रेष्ठले चीनको नक्सामा नेपालको भूभाग भारतमा देखाइनु दुखद भएको बताएका छन् । साथै उनले हाम्रो परराष्ट्र नीति पनि निकै कमजोर भएको औँल्याएका छन् ।

Watch On

संसदको विशेष समयमा बोल्ने क्रममा उनले भने, ‘भर्खरै हाम्रो छिमेकी राष्ट्र चीनले नयाँ नक्सा जारी गरेको छ । उक्त नक्सामा हाम्रो संसदले एकमत भएर जारी गरेको नेपालको चुच्चे नक्साको भूभागहरु भारतमा देखिन आएकोमा हामी सार्वभौम नेपालीको मन साह्रै दुखेको छ ।

सो विषयमा अन्तराष्ट्रिय समुदायलाई पत्राचार नगरेकोले हामी हाम्रो परराष्ट्र नीतिमा कसरी चुक्दैछौँ भन्ने कुरा प्रस्ट देखिएको छ । म सम्मानित सदनमार्फत परराष्ट्र मन्त्रालयलाई यो विषयलाई प्राथमिकतामा राखेर कुटनीतिक नोट मार्फत नेपाली भूभाग नोपलको नक्सामा राख्न ध्यानाकर्षण गराउन चाहन्छु । साथै प्रधानमन्त्रीको संयुक्त राष्ट्र संघ र चीन भ्रमणमा नेपाली भूभागबारे कुटनीतिक पहल होस् । नेपाली माटोको रक्षा गर्न तपाईको खुट्टा नकाँपोस् प्रधानमन्त्री ज्यू । तपाईंलाई तीन करोड नेपालीको साथ छ ।

प्रकाशित मिति: बिहीबार, भदौ २१, २०८०

प्रतिक्रिया दिनुहोस्