सबै कुरा

सरकारको सुशासनको अभियान रोक्न बिभिन्न षड्यन्त्र हुनथाले – गृहमन्त्री

सिधाकुरा

सोमबार, भदौ २५, २०८०

सरकारको सुशासनको अभियान रोक्न बिभिन्न षड्यन्त्र हुनथाले – गृहमन्त्री

२५ भदौ, काठमाडौं । उपप्रधान एवं गृहमन्त्री नारायणकाजी श्रेष्ठले सरकारको भ्रष्ट्रनचार बिरोधी अभियान रोक्न ठूलो षड्यन्त्र भईरहेको बताएका छन् । ज्यापु समाज यलले सोमबार ललितपुरमा आयोजना गरेको कार्यक्रममा श्रेष्ठले सरकारको अभियानलाई असफल पार्न अनेक प्रयास भईरहेको बताएका हुन् ।

उनले सुशासनको अभियान अगाडि नबढोस्, यसले विराम लिओस् । फेरि तैचुप मैचुप होस् भनेर नयाँ षड्यन्त्र देखा पर्न थालेपनि पछि नहट्ने समेत बताएका छन् । उनले सुशनसनको अभियान जारी रहने र अहिले रचिएको षड्यन्त्रलाई असफल बनाएर छोड्ने दावी समेत गरेका छन् ।

साथै उनले सद्भाव र सहिष्णुताको मौलिक विशेषतामा आक्रमण गर्ने प्रयास भइरहेको भन्दै सचेत हुनुपर्ने बताएका छन् । उनले नेपाली समाजको मौलिक परम्परा बिगार्न खोज्ने षडयन्त्रलाई सफल हुनु नदिने स्पष्ट पार्नुभयो ।

गृहमन्त्री श्रेष्ठले राजनीतिक परिवर्तनसंगै आधारभूत आवश्यता पुरा होस भन्ने आकांक्षा जनताको रहेको भन्दै यसप्रति सरकार गम्भीर भएर काम गरिरहेको जिकिर गरे । उनले भ्रष्टाचार अन्त्य नभएसम्म मुलुकमा सुशासन कायम हुन नसक्ने भएकाले सरकारले अघि बढाएको भ्रष्टाचारबिरुद्धको अभियान नरोकिने बबताएका हुन् ।

प्रकाशित मिति: सोमबार, भदौ २५, २०८०

प्रतिक्रिया दिनुहोस्