सबै कुरा

तीनकुनेको सामूहिक हत्या प्रकरणको अनुसन्धान गर्न समिति गठन

सिधाकुरा

शनिबार, भदौ ३०, २०८०

तीनकुनेको सामूहिक हत्या प्रकरणको अनुसन्धान गर्न समिति गठन

३० भदौ, काठमाडौं । तीनकुनेमा भएको ४ जनाको हत्या प्रकरणमा छानबिन गर्न ५ सदस्यीय छानबिन समिति गठन भएको छ । उपत्यका प्रहरी प्रहरी कार्यालय रानीपोखरीले हत्याको छानबिन गर्न एसएसपी सोमेन्द्रसिंह राठौरको नेतृत्वमा समिति गठन गरेको हो ।

Watch On

राठौरको नेतृत्वमा जिल्ला प्रहरी परिसर, काठमाडौं र उपत्यका प्रहरी कार्यालयका अधिकृतहरु समितिमा रहने छन् । समितिमा उपत्यका प्रहरी कार्यालयका डीएसपी सुवास खड्का, जिल्ला प्रहरी परिसर, काठमाडौंका डीएसपी हरि खतिवडा, , अपराध अनुसन्धान कार्यालयका डीएसपी सुरक्षा केसी र प्रहरी वृत्त, बानेश्वरका निरीक्षक वीरेन्द्र केसी सदस्य रहेका छन् ।

शुक्रबार मध्यरातमा सःमिलका सुरक्षागार्ड दोलखाका ५५ वर्षीय कुमार भुजेलसहित उनकी श्रीमती ५२ वर्षीय अम्बिका भुजेल, आमा ७६ वर्षीया शुभद्रा भुजेल र मोरङ बेलबारीका २० वर्षीय नवीन राईको हत्या भएको थियो।

नवीनलाई भाइ बताउने २८ वर्षीय दिपेन्द्र राईलाई सोधपुछका लागि प्रहरीले नियन्त्रणमा लिएको छ। प्रहरीका अनुसार उनी आफै ट्याक्सी चढेर तीनकुनेस्थित प्रहरी कार्यालय पुगेका थिए।

खबरपश्चात तत्काल सःमिल पुगेको प्रहरीले चार जनाको विभत्स हत्या भएको अवस्थामा शव फेला पारेको थियो।

प्रकाशित मिति: शनिबार, भदौ ३०, २०८०

प्रतिक्रिया दिनुहोस्