दावाको बयान : १ लाख रुपैयाँमा नागरिकता किनेको हुँ

३० भदौ काठमाडौं । तिब्बतिन मुलुका बेल्जियम नागरिक दावा छिरिङले १ लाख रुपैयाँ नेपाली नागरिकता किनेको बयान दिएका छन् । ६० किलो सुन प्ररकणमा पक्राउ परेका दावाले प्रहरीको केन्द्रिय अनुसन्धान ब्यूरोमा साविति बयानका क्रममा तिब्बतियन नागरिक जिम्बा दोर्जे लामा मार्फत काभ्रेबाट नागरिकता लिएको बताएका छन् । 

Watch On

दावासँग लिएको बयानको सवाल ६६ मा उनलाई नेपाली नागरिकताको प्रमाणपत्र लिएको विषयमा सोधिएको छ । जवाफमा दावाले आफूले दुई पटक गरि १ लाख रुपैयाँ दिएपछि हातमै नागरिकता आएका बताएका छन् । 

उनलाई सोधिएको सवाल यस्तो छ ।

सवाल ६६ : तपाईंले  पेमा तामाङको छोरा निमा तामाङ भनी जिल्ला प्रशासन कार्यालय, काभ्रेपलान्चोकबाट ना.प्र.नं. ३०–०१–७४–११८६८ नं.को नेपाली नागरिकता प्रमाणपत्र लिएको देखिएको हुँदा तपाईले के कसरी उक्त निमा तामाङको नामबाट नेपाली नागरिकताको प्रमाण पत्र लिनु भएको हो ? यसरी नक्कली तथा कीर्ते कागजातको आधारमा विदेशी नागरिकले नेपाली नागरिकताको प्रमाणपत्र लिनु कानून बिपरितको कार्य होईन र ? सो नागरिकता प्रयोग गरी नेपाली राहदानी लिनु भएको छ वा छैन ? खुलाउनुहोस्

दावाको जवाफ यस्तो छ । 

जवाफ ६६ : मैले आज भन्दा १५÷१६ वर्ष भन्दा अगाडी चिनेको तिब्बतियन नागरिक जिम्बा दोर्जे लामाले मलाई नेपाली नागरिकता बनाई म सँग सुरुमा  रु. ५०,०००।– र सो पश्चात रु. ५०,०००।–  गरी जम्मा रू. १,००,०००।– रकम र मेरो फोटो लिई गई जिल्ला प्रशासन कार्यालय, काभ्रेपलान्चोकबाट पेमा तामाङको छोरा निमा तामाङ भनी मेरो फोटो टासँ गरी नेपाली नागरिकता प्रमाणपत्र बनाई ल्याई मलाई दिएको हो । सो नागरिकता बनाउने समयमा म गएको थिईन । निज जिम्बा दोर्जे लामाले के कसरी बनाई ल्याए मलाई थाहा भएन । यसरी नक्कली तथा कीर्ते कागजातको आधारमा नेपाली नागरिकता लिनु कानून बिपरीतको कार्य हो । नेपाली राहदानी लिएको छैन ।

दावालाई काभ्रे जिल्ला प्रसासन कार्यालयबाट वडा अध्यक्षदेखि सबै फर्जी कागज बनाएर नागरिकता बेचिएको विषयमासिधाकुराले यस अघि नै खुलासा गरिसकेको छ । 

र्सेक्रेट्स अफ गोल्ड माफियाका श्रृङ्खलाहरु 

श्रृङ्खला १ : सुन तस्कर जोगाउन प्रधानमन्त्री र गृहमन्त्रीको दबाबमा गैरकानूनी अनुसन्धान 

श्रृङ्खला २ : सुन तस्करीमा ‘बिध ल्याब’का मालिक भिमकान्त भण्डारी 

श्रृङ्खला ३ : Exclusive : सुन तस्करीमा जोडिए अध्यागमन विभागका महानिर्देशक अधिकारी, गृहमन्त्रीको भूमिकामा गम्भिर प्रश्न ? 

श्रृङ्खला ४ : EXCLUSIVE : सुन तस्करीका नाइके दावासँग पूर्व IGP धीरज प्रताप सिंहको ‘हिमचिम’