सबै कुरा

रास्वपा महामन्त्री मुकुल ढकालले तयार गरेको समिक्षा प्रतिवेदन सार्वजनिक

सिधाकुरा

बिहीबार, असार २०, २०८१

रास्वपा महामन्त्री मुकुल ढकालले तयार गरेको समिक्षा प्रतिवेदन सार्वजनिक

काठमाडौँ । राष्ट्रिय स्वतन्त्र पार्टीका निलम्बित महामन्त्री डा. मुकुल ढकालले तयार पारेको पार्टीको समिक्षा प्रतिवेदन सार्वजनिक भएको छ । उक्त प्रतिवेदन ढकाल आफैँले सार्वजनिक गरेका हुन् । उनले सार्वजनिक गरेको प्रतिवेदन ३२ पृष्ठ लामो छ ।

Watch On

उक्त प्रतिवेदन पढ्न यहाँ क्लीक गर्नुहोस् ।

ढकालले विभिन्न ३८ जिल्ला पुगेर ३ हजार बढीसँग छलफल गरेर उक्त प्रतिवेदन बनाएका थिए । असार १२ गते उनले सभापति रवि लामिछानेलाई उक्त प्रतिवेदन अध्ययन गरी सार्वजनिक गर्न माग गर्दै बुझाएका थिए ।

त्यसपछि पार्टीले बुधबार केन्द्रीय समिति बैठक बोलाएको थियो । ढकालले उक्त बैठक लाइभ गर्नुपर्ने माग राखेका थिए । तर बैठक लाइभ गर्ने प्रस्ताव अस्वीकृत भएको थियो । उनले सोही प्रतिवेदनमा आधिारित भएर अर्को प्रस्ताप राखेका थिए । उक्त प्रस्ताव सभापतिले प्रस्तुत गर्न नदिएको उनको आरोप छ । पछि उनी मुखमा पट्टी बाँधेर बैठकमा बसेका थिए । त्यसपछि सहमहामन्त्रीले उक्त प्रतिवेदन प्रस्तुत गरेका थिए ।

दिनभर चलेको बैठक नसकिदै ढकाल साँझ पार्टी कार्यालयबाट निस्कदै उनले आफूमाथि ह्यारेमेन्ट भएको प्रतिक्रिय दिएका थिए । त्यसपछि मध्यराति डा. ढकालको शैली ठिक नभएको भन्दै ७ दिनका लागि निलम्बन गर्ने पार्टीले निर्णय गरेको थियो । र अहिले ढकालले आफूले बनाएको प्रतिवेदन सार्वजनिक गरिदिएका हुन् ।

उक्त प्रतिवेदन पढ्न यहाँ क्लीक गर्नुहोस् ।

प्रकाशित मिति: बिहीबार, असार २०, २०८१

प्रतिक्रिया दिनुहोस्