सबै कुरा

प्रचण्ड, माधव नेपाल र रवि लामिछानेबिच भेटवार्ता : एमाले र कांग्रेसले संविधान मिचेर सरकार बनाएको निष्कर्ष

सिधाकुरा

शुक्रबार, साउन ४, २०८१

प्रचण्ड, माधव नेपाल र रवि लामिछानेबिच भेटवार्ता : एमाले र कांग्रेसले संविधान मिचेर सरकार बनाएको निष्कर्ष

काठमाडाैँ । नेकपा माओवादी केन्द्रसहित प्रतिपक्षी तीन दलले वर्तमान सरकार संविधानको कमजोर जगमा टेकेर बनेको निष्कर्ष निकालेको छ ।

Watch On

सिंहदरबारमा शुक्रबार बसेको माओवादीसहित रास्वपा र नेकपा एकीकृत समाजवादीका नेताहरुको बैठकले ठूला दुइ दल कांग्रेस र एमालेको सरकार संविधान कमजाेर जगमा टेकेर बनेको निष्कर्ष निकालेको माओवादी केन्द्रका उपमहासचिव वर्षमान पुनले जानकारी दिए ।

प्रधानमन्त्रीले विश्वासको मत नपाएपछि सरकार संविधानको ७६ (३) अनुसार नयाँ सरकार गठन हुनुपर्नेमा संविधानको ७६ (२) अनुसार गठन भएकाले यो बिषयलाई सदनमा सशक्त रुपमा उठाउने सहमति भएको उनले बताए । सत्तापक्ष निरङ्कुश बन्न सक्ने खतरा, सुशासनलगायतको सुधारको कामबाट पछि हट्ने गठबन्धन बनेको भन्दै उनले जनतामा देखिएको आशंकालाई प्रतिपक्षबाट सशक्त खबरदारी गर्ने बताए ।

त्यस्तै नेकपा एकीकृत समाजवादीका नेता राजेन्द्र पाण्डेले प्रधानमन्त्रीले विश्वासको मतका बिषयमा प्रतिपक्षी दल साझा धारणा बनाएर अघि बढने बताए । उनले भइरहेको सरकारलाई ढालेर नयाँ सरकार बनाउने प्रधानमन्त्रीलाई सदनमा विश्वासको मत माग्ने आधार नभएको जिकिर गरे ।

तीन दलले अहिलेको अवस्थामा कुनै पनि हालतमा प्रधानमन्त्रीलाई विश्वासको मत दिन नसक्ने निष्कर्ष पनि निकालेको छ ।

प्रकाशित मिति: शुक्रबार, साउन ४, २०८१

प्रतिक्रिया दिनुहोस्