समाज

प्रस्तावित राजदूतहरूको सुनुवाइ असोज २६ देखि

समितिमा प्रस्तवित राजदूतहरुबिरुद्ध ७ वटा उजुरी परेका छन्

सिधाकुरा

मंगलबार, असोज २०, २०८३

प्रस्तावित राजदूतहरूको सुनुवाइ असोज २६ देखि

काठमाडौँ । संसदीय सुनुवाइ समितिले विभिन्न १३ देशमा सिफारिस भएका प्रस्तावित राजदूतहरुको संसदीय सुनुवाइ असोज २६ देखि २८ गतेसम्म गर्ने निर्णय गरेको छ ।

Watch On

सिंहदरबारमा आज बसेको समितिमा प्रस्तावित राजदूतहरुविरुद्ध परेका उजुरीहरु समिति सदस्यहरुलाई अध्ययनका लागि बितरण गर्र्दै असोज २६ देखि २८ गतेसम्म सुनुवाइ गर्ने निर्णय गरेको सभापति बोधनारायण श्रेष्ठले जानकारी दिए ।

संसदीय सुनुवाइ प्रक्रियालाई थप प्रभावकारी बनाउन र उजुरीहरूको अध्ययन गर्नका लागि सांसदहरूलाई केही दिन समय दिइएको उनले बताए ।

समितिमा प्रस्तवित राजदूतहरुबिरुद्ध ७ वटा उजुरी परेका छन् । जसमध्ये १३ जनाविरुद्ध नै एउटा उजुरी, भारतका लागि प्रस्तावित राजदूत निश्चलनाथ पाण्डेविरुद्ध १ उजुरी, साउदी अरेबियाका लागि प्रस्तावित राजदूत गिरीबहादुर सुनारविरुद्ध २ वटा उजुरी र जापानका लागि प्रस्तावित राजदूत जिज्ञानकुमार थापाविरुद्ध ३ वटा उजुरी परेको सभापति श्रेष्ठले जानकारी दिए ।

असोज २ गते बसेको मन्त्रिपरिषद् बैठकले १३ देशमा राजदूत नियुक्तिका लागि विभिन्न व्यक्तिको नाम सिफारिस गरेको थियो ।

प्रकाशित मिति: मंगलबार, असोज २०, २०८३

प्रतिक्रिया दिनुहोस्