सबै कुरा

आन्दोलनरत चिकित्सक र सरकारबिच वार्ता जारी

सिधाकुरा

मंगलबार, असोज ९, २०८०

आन्दोलनरत चिकित्सक र सरकारबिच वार्ता जारी

९ असाेज, काठमाडौँ : काठमाडौँमा आन्दोलनरत चिकित्सक र सरकारबिच वार्ता जारी छ ।

Watch On

उपप्रधान तथा गृहमन्त्री नारायणकाजी श्रेष्ठको नेतृत्वमा भइरहेको वार्तामा स्वास्थ्यमन्त्रालयका अधिकारी, स्वास्थ्यकर्मी ट्रेड युनियन, मेडिकल काउन्सिल, चिकित्सक संघका प्रतिनिधि उपस्थित छन् । वार्ता गृहमन्त्रालयमा ३ बजेदेखि चलिरहेको छ ।

स्वास्थ्यकर्मीमाथि श्रृङ्खलाबद्ध आक्रमण हुन थालेपछि काठमाडौँको माइतीघर मण्डलामा ठूलो सङ्ख्यामा भेला भएका चिकित्सकले सुरक्षाको माग गर्दै नाराबाजी गरेका छन् । स्वास्थ्यकर्मी तथा स्वास्थ्य संस्थाको सुरक्षासम्बन्धी पहिलो संशोधन ऐन २०७९ अविलम्व कार्यान्वयन गरिनुपर्ने उनीहरुको माग थियो ।

उनीहरूले दोषीलाई खुल्ला छुट डाक्टरमाथि बुटैबुट, अस्पतालमा नआउ डाक्टर बिरामीको दुवैको ज्यान बचाउ, डाक्टर कुट्न पाइँदैन, पेशा छोडौँ कि देश छोडौँ ? लगायतका प्लेकार्ड बोकेर नाराबाजी गरेका थिए ।

लम्जुङकी एक महिलाको उपचारको क्रममा मणिपाल शिक्षण अस्पतालमा मंगलबार मृत्यु भएको थियो । मृतकका आफन्तसहितको भीडले डाक्टरले लापरवाही गरेको भन्दै हातपात गरेको थियो । यो घटनाले मणिपाल अस्पताल परिसरसमेत तनावपूर्ण भएको थियो ।

प्रकाशित मिति: मंगलबार, असोज ९, २०८०

प्रतिक्रिया दिनुहोस्