सबै कुरा

नेताहरुविरुद्ध नारावाजी भएपछि प्रधानमन्त्री ओलीले भने, ‘नयाँ पुस्ताले शिष्टता बिर्सियो’ (भिडियाे)

सिधाकुरा

सोमबार, भदौ १०, २०८१

काठमाडौँ । काठमाडौँको टुंडिखेलमा अयोजित गौरा पर्वको कार्यक्रममा नेताहरुविरुद्ध नारावाजी भएपछि प्रधानमन्त्री केपी शर्मा ओलीले नयाँ पुस्ताले सभ्यता, शिष्टता बिर्सँदै गएको बताए । नेपाली समाज बहुसांस्कृतिक र शान्तिप्रेमी भएकाले यस समाजलाई बिथोल्ने र भड्काउने प्रयास असफल दावी गरे ।

Watch On

‘नयाँ पुस्तामा हाम्रो सभ्यता, शिष्टता कस्तो हो, मर्यादा कस्तो हो भन्ने बिर्सिन खोजेको देख्दा अचम्म लाग्छ ।’ उनले भने, ‘यस्ता घटनाहरु विभिन्न स्थानमा देखिने गरेका छन् । अरुका कार्यक्रम बिथोल्ने गरेका छन् । म आग्रह गर्न चाहन्छु, यो नेपालीपन होइन, नेपाली संस्कृति होइन ।’

उनले मेलमिलाप र एकअर्काको संस्कृतिलाई सम्मान गर्ने देश नेपाल भएको जिकिर गरे । जति बिथोल्न खोजे पनि नेपाली समाज नबिथोलिने बताए । ओलीले सुन्दर सुदूरपश्मिबाट सुरु भएको सो पर्व नेपालको मौलिक पर्व भएको उनले उल्लेख गरे ।

सोही कार्यक्रममा नेपाली कांग्रेसका सभापति शेरबहादुर देउवाले सहभागी सर्वसाधारणलाई हकारेका थिए । नेताहरुविरुद्ध नारावाजी भएपछि देउवाले ‘लाज नभएका बदमासहरु’ भन्दै हकारेका हुन् ।

प्रकाशित मिति: सोमबार, भदौ १०, २०८१

प्रतिक्रिया दिनुहोस्