संससदीय समितिमा परराष्ट्रमन्त्री राणाले भनिन्, ‘भारतसँग हवाई रुट र पन्चेश्वरबारे कुरा भयो तर इपीजीबारे भएन’

काठमाडौँ । परराष्ट्रमन्त्री आरजु राणा देउवाले भारत भ्रमणका क्रममा हवाई रुटका बारेमा सकारात्मक छलफल भएको बताएकी छिन् । 

Watch On

सिंहदरबारमा मंगलबार बसेको प्रतिनिधिसभा अन्तर्गतको अन्तर्राष्ट्रिय सम्बन्ध र पर्यटन समिति बैठकमा आफ्नो भारत भ्रमणका बारेमा जानकारी गराउँदै उनले भारतससँग हवाइ रुटको बारेमा कुरा राखेको र टेक्निकल टिमको मिटिङ गर्ने सहमति भएको जानकारी दिएकी हुन् । 

भैरहवा र महेन्द्रनगर हवाई रुटका बिषयमा आफुले भारतसँग कुरा गरेको उनले बताइन् । त्यस्तै उनले पन्चेश्वरको बारेमा सहमति लगभग अन्तिम चरणमा पुगेको र अन्तिम चरणमा अघि बढाउने कुरा भएको जानकारी दिइन् । 

इपीजी बिषयमा भने कुनै छलफल नभएको भन्दै उनले उपयुक्त समयमा छलफल गर्ने उल्लेख गरिन् ।  दुबै देशको प्रतिनिधि मिलेर बनाएको रिपोर्ट भएकाले उपयुक्त समयमा आवश्यक छलफल हुनेमा आशावादी रहेको उनले बताइन् । 

त्यस्तै भारत भ्रमणका क्रममा भारतीय प्रधानमन्त्री नरेन्द्र मोदीसंग भेटवार्ता भएको र नेपालका प्रधानमन्त्री केपी शर्मा ओलीको निमन्त्रणा सहितको सन्देश हस्तान्तरण गरिएको पनि उनले जानकारी दिइन् ।