म्याक्स टाइगरको दशैं धमाकामा नौ जनाले जिते मोटरसाइकल र स्कुटर, अझै २८ विजेता घोषणा हुन बाँकी

काठमाडौँ । म्याक्स टाइगर इनर्जी ड्रिङ्कसको ‘एनर्जाइज्ड दशैं धमाका २०२६’ अभियानअन्तर्गत हालसम्म नौ जना उपभोक्ताले यामाहा मोटरसाइकल तथा स्कुटर जितेका छन् ।

Watch On

कम्पनीका अनुसार अभियानअन्तर्गत सुर्खेतका किशोर जंग शाहले यामाहा रे जेडआर स्कुटर जितेका छन् । त्यस्तै, बनेपाका राजकुमार तामाङ र धादिङका सञ्जोग रिमालले यामाहा एफजेड एफआई मोटरसाइकल जितेका छन् ।

यसैगरी, बुटवलका नरबहादुर फौगाडले यामाहा रे जेडआर स्कुटर र धनगढीका मोहन श्रेष्ठले यामाहा एफजेड एफआई मोटरसाइकल जितेका छन् ।

पछिल्लो चरणमा सार्वजनिक भएका चार विजेतामध्ये जनकपुरका कौटल्य कुमार सिंह र बिर्तामोडका तेज नारायण सिंहले यामाहा एफजेड एफआई मोटरसाइकल जितेका छन् । धरानका मनोज कुमार अधिकारी र वीरगञ्जका रमेश बस्नेतले भने यामाहा रे जेडआर स्कुटर जितेका छन् ।

कम्पनीले सञ्चालन गरेको उक्त अभियानअन्तर्गत कुल १८ वटा यामाहा एफजेड एफआई मोटरसाइकल र १८ वटा यामाहा रे जेडआर स्कुटर पुरस्कारमा राखिएको छ । त्यस्तै, अभियानको बम्पर पुरस्कारस्वरूप एक जनाले प्रोटोन कार जित्ने अवसर पाउनेछन् ।

यसरी अभियानमा कुल ३७ वटा सवारीसाधन पुरस्कारका रूपमा राखिएका छन् । हालसम्म नौ जना विजेता सार्वजनिक भइसकेकाले अब २८ वटा सवारीसाधनका विजेता घोषणा हुन बाँकी छन् ।

कम्पनीले दशैंलाई लक्षित गरी सुरु गरेको उक्त अभियानमार्फत उपभोक्तालाई मोटरसाइकल, स्कुटर तथा कार जित्ने अवसर प्रदान गरिरहेको जनाएको छ । अभियानअन्तर्गत बाँकी विजेता सार्वजनिक हुने क्रम जारी रहने कम्पनीले जनाएको छ ।