एनपीएलको तेस्रो संस्करणअघि एक्स्ट्रिम इनर्जी ड्रिङ्कले सार्वजनिक गर्‍यो ‘एक्स्ट्रिम एन्थम’

काठमाडौँ। नेपाल प्रिमियर लिग (एनपीएल) को तेस्रो संस्करण सुरु हुनुअघि एक्स्ट्रिम इनर्जी ड्रिङ्कले प्रतियोगितालाई लक्षित गर्दै ‘एक्स्ट्रिम एन्थम’ सार्वजनिक गरेको छ।

Watch On

क्रिकेटको मैदानमा देखिने प्रतिस्पर्धात्मक जोश, खेलाडीको जितप्रतिको अठोट र समर्थकको उत्साहलाई संगीतमार्फत प्रस्तुत गर्ने उद्देश्यले एन्थम तयार गरिएको कम्पनीले जनाएको छ।

कम्पनीका अनुसार मैदानमा खेलाडीले गर्ने संघर्ष, प्रत्येक बलमा समर्थकले व्यक्त गर्ने उत्साह र आफ्नो टोलीको जितमा देखिने गर्वलाई समेटेर एन्थम निर्माण गरिएको हो। यसले क्रिकेटको रोमाञ्चलाई संगीतसँग जोड्दै खेलाडी र समर्थकबीचको भावनात्मक सम्बन्धलाई थप बलियो बनाउने अपेक्षा गरिएको छ।

एनपीएलको तेस्रो सिजनमा एक्स्ट्रिम इनर्जी ड्रिङ्कले काठमाडौं गोर्खाज, लुम्बिनी लायन्स, विराटनगर किङ्स, जनकपुर बोल्ट्स, चितवन राइनोज र कर्णाली याक्ससँग मुख्य प्रायोजकका रूपमा साझेदारी गरेको छ। त्यस्तै, पोखरा एभेन्जर्ससँग जर्सी प्रायोजनमा सहकार्य गरेको कम्पनीले जनाएको छ।

युनिक पोयटको नामले परिचित उत्साह जोशीको स्वर तथा शब्द र ब्लुस (सुरज शाही) को संगीत सिर्जना एवं संयोजनमा ‘एक्स्ट्रिम एन्थम’ तयार गरिएको हो। यसको निर्माणको काम एनएफटीपी टिमले गरेको कम्पनीले जनाएको छ।

विशेषगरी युवा पुस्ताको संगीतप्रतिको रुचि र क्रिकेटप्रतिको बढ्दो आकर्षणलाई ध्यानमा राखेर एन्थम तयार गरिएको हो। कम्पनीले यसमार्फत क्रिकेटको माहोललाई थप जीवन्त र ऊर्जावान् बनाउने अपेक्षा गरेको छ।

कम्पनीका अनुसार ‘एक्स्ट्रिम एन्थम’ केवल एउटा गीत वा सांगीतिक प्रस्तुति मात्र नभई क्रिकेट र संगीतलाई एउटै उत्सवमा जोड्ने सिर्जनात्मक प्रयास हो। मैदानमा खेलाडीले गर्ने उत्कृष्ट प्रदर्शन र दर्शकदीर्घाबाट आउने समर्थन तथा उत्साहलाई एउटै सांगीतिक लयमा समेट्नु यसको मुख्य विशेषता रहेको कम्पनीको भनाइ छ।

‘एक्स्ट्रिम एन्थम’ एक्स्ट्रिम इनर्जी ड्रिङ्कको आधिकारिक युट्युब च्यानल तथा टिकटकमार्फत हेर्न र सुन्न सकिनेछ।