क्रिकेट हेर्न ९ शहरमा एक्सट्रीमका १० फ्यान जोन, प्रवेश निःशुल्क

काठमाडौं । नेपाल प्रिमियर लिग ९एनपीएल० को तेस्रो संस्करणका खेल प्रत्यक्ष प्रसारणमार्फत देखाउन एक्सट्रीम इनर्जी ड्रिङ्कले देशका नौ सहरमा १० वटा फ्यान जोन सञ्चालन गर्ने भएको छ।

Watch On

कम्पनीका अनुसार कात्तिक ९ देखि मंसिर ५ गतेसम्म सञ्चालन हुने फ्यान जोनमा ठूला एलईडी स्क्रिनमार्फत एनपीएलका खेल प्रत्यक्ष प्रसारण गरिनेछ। फ्यान जोनमा प्रवेश निःशुल्क हुनेछ।

काठमाडौंको सिफल मैदान, कीर्तिपुरको माइक्रो पार्क र त्रिभुवन विश्वविद्यालय (टीयू) क्रिकेट मैदानको दोस्रो नम्बर गेटअगाडिको मैदानमा फ्यान जोन सञ्चालन गरिने कम्पनीले जनाएको छ।

त्यस्तै, धनगढीको कभर्ड हल क्षेत्र, सुर्खेतको घण्टाघर डबली, बुटवलको सिद्धेश्वरी ग्राउन्ड, पोखराको मालेपाटन चौर र चितवनको वीरेन्द्र बहुमुखी क्याम्पसको डिग्री कलेज परिसरमा पनि फ्यान जोन रहनेछन्।

मधेश प्रदेशको जनकपुरस्थित बाह्रबिघा चौर र विराटनगरको पुरानो गुद्री मैदानमा समेत फ्यान जोन सञ्चालन गरिने कम्पनीले जनाएको छ।

फ्यान जोनमा खेलको प्रत्यक्ष प्रसारणसँगै सांगीतिक प्रस्तुति तथा मनोरञ्जनात्मक गतिविधि आयोजना गरिनेछन्। दर्शकका लागि खेलकुद गतिविधि र गिभअवे कार्यक्रममार्फत उपहार प्राप्त गर्ने अवसरसमेत उपलब्ध गराइने कम्पनीको भनाइ छ।

एनपीएलका खेल रंगशालामा पुगेर हेर्न नसक्ने दर्शकलाई आफ्नै सहरमा सामूहिक रूपमा खेल हेर्ने अवसर उपलब्ध गराउने उद्देश्यले फ्यान जोन सञ्चालन गर्न लागिएको कम्पनीले जनाएको छ।