सबै कुरा

मिनबहादुरले प्रधानमन्त्रीलाई दिएको दानका विरुद्धको रिट न्यायाधीश सुवेदीको इजलासमा

सिधाकुरा

बिहीबार, कात्तिक ८, २०८१

मिनबहादुरले प्रधानमन्त्रीलाई दिएको दानका विरुद्धको रिट न्यायाधीश सुवेदीको इजलासमा

काठमाडौँ । नेकपा एमालेको केन्द्रीय कार्यालय भवन बनाउन व्यवसायी मीनबहादुर गुरुङले गरेको जग्गादानविरुद्ध सर्वोच्च अदालतमा परेको रिट निवेदनको सुनुवाइकालागि न्यायाधीश डा.नहकुल सुवेदीको इजलासमा आज पेसी तोकिएको छ।

Watch On

प्रधानमन्त्रीलेनै सरकारवादी मुद्धाका झगडियासँग दानकारुपमा यति ठुलो सम्पत्ति लिएर भ्रष्टाचार गरेको दाबी गर्दै ज्ञानकुमार बस्नेतले बुधबार सर्वोच्चमा रिट दायर गरेका थिए ।

विभिन्न भ्रष्टाचार काण्डमा मुछिएका भाटभटेनी सुपरमार्केटका सञ्चालक गुरुङले एमालेको केन्द्रीय कार्यालय बनाउन भनी गत असोज २५ गते काठमाडौँको कीर्तिपुर नगरपालिका २, मैत्रीनगरमा रहेको १० रोपनी १४ आना जग्गा दान गरेको घोषणा गरेका थिए। सोही दिन प्रधानमन्त्री ओलीको दम्पती र जग्गादाता गुरुङ दम्पतीले संयुक्त रूपमा एमाले मुख्यालय भवनको शिलान्याससमेत गरेका थिए।

ललिता निवास जग्गा घोटाला प्रकरणका मुख्य दोषी गुरुङलाई विशेष अदालतले २ वर्ष कैद सजाय सुनाएको छ। त्यस्तै सोही प्रकरणमा जिल्ला अदालतमा पनि लिखत कसुर (किर्ते) सम्बन्धी मुद्दा पनि विचाराधीन छ। यस्तै भ्याट छली प्रकरणमा पनि उनी दोषी ठहर भएका छन्।

प्रकाशित मिति: बिहीबार, कात्तिक ८, २०८१

प्रतिक्रिया दिनुहोस्