सबै कुरा

रास्वपाको बढ्दो प्रभाव र जनसमर्थनलाई दबाउन सभापतिमाथि सुनियोजित षड्यन्त्र गरियोः रास्वपा

सिधाकुरा

शनिबार, कात्तिक २४, २०८१

रास्वपाको बढ्दो प्रभाव र जनसमर्थनलाई दबाउन सभापतिमाथि सुनियोजित षड्यन्त्र गरियोः रास्वपा

काठमाडौँ । राष्ट्रिय स्वतन्त्र पार्टीले सभापति रवि लामिछानेलाई पक्राउ गरी हिरासतमा राखिनुलाई रास्वपाको बढ्दो प्रभाव र जनसमर्थनलाई दबाउन गरेको सुनियोजित षड्यन्त्र भएको ठम्याई गरेको छ । शनिबार पार्टीको केन्द्रीय कार्यालय वनस्थलीमा बसेको केन्द्रीय समिति बैठकले यस्तो निष्कर्ष निकालेको हो ।

लामिछानेविरुद्ध गरिएको कारवाहीलाई राजनीतिक प्रतिशोधको निकृष्ट कृत्य ठहर गर्दै यस कार्यको घोर भर्त्सना गरेको पार्टीका कार्यवाहक प्रवक्ता मनिष झा ले जानकारी दिए ।

‘सभापति रवि लामिछानेविरुद्ध गरिएको कारवाहीलाई राजनीतिक प्रतिशोधको निकृष्ट कृत्य ठहर गर्दै राष्ट्रिय स्वतन्त्र पार्टी यस कार्यको घोर भर्त्सना गर्दछ । यो कारबाही सत्तारुढ राजनीतिक दलहरूले रास्वपाको बढ्दो प्रभाव र जनसमर्थनलाई दबाउन गरेको सुनियोजित षड्यन्त्र हो भन्ने हाम्रो ठम्म्याई छ’–पार्टीले जारी गरेको विज्ञप्तीमा भनिएको छ ।

त्यस्तै रास्वपाले राज्यसत्ताको स्वेच्छाचारी, अधिनायकवादी प्रवृत्ति विरुद्ध साथै साझा राष्ट्रिय मुद्दाहरुमा केन्द्रित रही सञ्चालन गर्न गइरहेको दोस्रो चरणको संयुक्त सशक्त आन्दोलनमा साथ दिन सम्पूर्ण न्यायप्रेमी आम नेपाली जनतामा आव्हान समेत गरेको छ ।

प्रकाशित मिति: शनिबार, कात्तिक २४, २०८१

प्रतिक्रिया दिनुहोस्