सबै कुरा

जिउँदो रहुञ्जेल रास्वपाको सभापति रवि लामिछाने हो : उपसभापति डिपि अर्याल

सिधाकुरा

आइतबार, कात्तिक २५, २०८१

जिउँदो रहुञ्जेल रास्वपाको सभापति रवि लामिछाने हो : उपसभापति डिपि अर्याल

काठमाडाैँ । राष्ट्रिय स्वतन्त्र पार्टीका उपसभापति डोलप्रसाद अर्यालले रवि लामिछाने जिउँदो रहुञ्जेल राष्ट्रिय स्वतन्त्र पाटी सभापति रहने बताएका छन् । आइतबार पोखराको विरोध सभामा सम्बोधन गर्ने क्रममा उनले पार्टीको कार्यवहाक सभापति, सभापतिको विवाद गर्न आवश्यक नरहेको भन्दै सो अभिव्यक्ति दिएका हुन् ।

Watch On

पछिल्लो समय सामाजिक सञ्जालमा रवि लामिछानेको सन्दर्भलाई लिएर सभापति को भन्ने विषय आइरहेको र रवि लामिछाने नै रास्वपाको आजिवन सभापति रहेको बताएका हुन् । ‘यहि मञ्चबाट के भन्न चाहान्छु भने राष्ट्रिय स्वतन्त्र पार्टीको सभापति रवि लामिछाने जिउँदो रहेसम्म रवि लामिछाने नै हो ।’, अर्यालले भने, ‘त्यसमा कसले कार्यवहाक सभापति पाउँछ वा पाउँदैन त्यो गौण कुरा हो ।’

त्यस्तै रवि लामिछाने जहाँ भएपनि सभापति लामिछाने नै पार्टीको सभापति रहेको र उनले नै पार्टीको नेतृत्व गर्ने बताए । ‘म तपाईँहरुलाई के विश्वस्त पार्न चाहान्छु भने उहाँको सभापति पद उहाँ जहाँ बसेपनि, उहाँ हिरासतमा रहनुहोला, उहाँ जेलमा रहनुहोला तर राष्ट्रिय स्वतन्त्र पार्टीको सभापति रवि लामिछाने नै हो । उहाँले नै पार्टीको नेतृत्व गरिरहनु हुनेछ ।’, उपसभापति अर्यालले भने ।