रास्वपा हाइकमाण्डको हिरासत छलफलः राजनीतिक प्रतिशोध बुझाउन सबै नेता कार्यकर्तालाई निर्देशन, उपनिर्वाचनबारे पनि छलफल
काठमाडौं । राष्ट्रिय स्वतन्त्र पार्टीका शीर्ष नेताहरुले जिल्ला प्रहरी कार्यालय कास्कीको हिरासतमा रहेका सभापति रवि लामिछानेसँग छलफल गरेका छन् ।
उपसभापतिद्वय डीपी अर्याल,डा.स्वर्णिम वाग्ले र कार्यवाहक प्रवक्ता मनिष झाले सभापति लामिछानेसँग करिब ३० मिनेट प्रहरी कार्यालय भित्रै छलफल गरेका हुन् । छलफलमा लामिछानेले अनुसन्धानक्रममा सरकारले आफूमाथि गरेको प्रतिशोधपूर्ण व्यवहार बारे जानकारी गराएका थिए भने उपसभापतिद्धयले रास्वपाको चरणबद्ध आन्दोलन, उपनिर्वाचनको तयारी तथा पार्टीको आन्तरकि गतिविधीबारे जानकारी गराएको उपसभापति अर्यालले बताए ।
अर्यालयका अनुसार हिरासतबाट सभापति लामिछानेले रास्वपा माथि साँधिएको राजनीतिक प्रतिशोधबारे नागरिकलाई बुझाउन रास्वपाका सबै तहका नेता कार्यकर्तालाई आग्रह गरेका छन् । उपनिर्वाचनका रणनीतिमा समेत सभापतिले केहि निर्देशन दिएका छन् ।
सभापतिसँगको छलफलपछि उपसभापति वाग्लले प्रतिशोध साध्नकै लागि सभापतिलाई अनावश्यक हिरासतमा राखिएको पुष्टि भएको दाबी गर्दै रास्वपाको अभियानलाई व्यापक बनाउने बताए । उनले भने, ‘हामीले न्यायिक अनुसन्धानको विरोध गरेका छैनौं । हाम्रो विधिको शासनमा आस्था पनि छ । अति नै भयो । रविजी र रास्वपाप्रति सहानुभूति बढेको छ । अहिले सरकारले राजनीतिक प्रतिशोध राखेको हो । हाम्रो आन्दोलन जारी नै छ । यो अभियानलाई अझै व्यापक बनाउँछौं । ’
सुरुमा उपसभापतिद्वय अर्याल र वाग्ले मात्रै सहभागी छलफलमा पछि कार्यवहाक प्रवक्ता समेत रहेका केन्द्रिय सदस्य मनिषा झा पनि जोडिएका थिए । बैठकपछि झाले सभापतिसँग केहि महत्वपुर्ण छलफल भएकाले पहिले पार्टीमा छलफल गरेर पत्रकार सम्मेलन गरेर सार्वजनिक गर्ने बताए ।
राज्यले सभापति माथि गरको प्रतिशोधपूर्ण व्यवहार र बैठकमा भएको आगामी कदमबारे बुधबार केन्द्रीय कार्यालयमा पत्रकार सम्मेलन गरेर जानकारी गराउँछौँ, कार्यवहाक प्रवक्ता झाले भने ।
प्रधानमन्त्री ओली आज स्पेन भ्रमणमा जाँदै, यस्तो छ तालिका
संयुक्त राष्ट्रसङ्घको ‘विकासका लागि वित्तसम्बन्धी चौथो अन्तरराष्ट्रिय सम्मेलन’ मा सहभागी हुन नेपाली प्रतिनिधिमण्डलको नेतृत्व गर्दै प्रधानमन्त्री केपी शर्मा ओली आज स्पेन प्रस्थान गर्न लागेका हुन् । शनिबार, असार १४, २०८२
विपद् जोखिम न्यूनीकरणका लागि पूर्वतयारी गर्न सरकारलाई कृषि समितिको निर्देशन
प्रतिनिधिसभा अन्तर्गतको कृषि, सहकारी तथा प्राकृतिक स्रोत समितिले बाढीपहिरो डुबानलगायत मौसमजन्य उच्च जोखिममा रहेका क्षेत्रहरू पहिचान गरी विपद् जोखिम न्यूनीकरणका लागि पूर्वतयारी गर्न सरकारलाई निर्देशन दिएको छ । बिहीबार, असार १२, २०८२
बहुभाषिक पहिचान प्रवर्धनमा सरकार प्रतिबद्ध छ: पर्यटनमन्त्री
संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले बहुभाषिक पहिचान प्रवर्धनमा सरकार प्रतिबद्ध रहेको बताएका छन् । बिहीबार राष्ट्रियसभा बैठकमा सांसदहरुले सोधेका प्रश्नको जवाफ दिदै मन्त्री पाण्डेले सम्पूर्ण मातृभाषाहरू... बिहीबार, असार १२, २०८२
लागुऔषध नियन्त्रण अहिलेको चुनौती हो, अर्को वर्षभित्र विभाग स्थापना गर्छौँः गृहमन्त्री लेखक
गृहमन्त्री रमेश लेखकले आगामी आर्थिक बर्षभित्र लागू औषध नियन्त्रण बिभाग स्थापना गर्ने बताएका छन् । बिहीबार, असार १२, २०८२भर्खरै
- हस्ताक्षर अभियानमा ऐक्यवद्धता जनाउँदै बाबुराम भट्टराइले भने, 'रविविरुद्ध प्रतिशोधको गन्ध आयो'
- मदन भण्डारीको ७४ औं जन्मजयन्तीमा जे देखियो
- एसईईमा अङ्क थपेर पास गराइएको होइन, विद्यार्थी र शिक्षकको मेहनतले परिणाम होः प्रधानमन्त्री ओली
- प्रधानमन्त्रीद्वारा स्पेनको औपचारिक भ्रमणबारे सदनलाई जानकारी
- रबि लामिछानेमाथि साँधिएको राजनीतिक प्रतिशोधविरुद्ध पाँचखालमा हस्ताक्षर संकलन
- जापानको टोकियोस्थित नेपाली विद्यालयले ल्यायो एसइईमा उत्कृष्ट नतिजा
- विद्या लक्षित ओलीको टिप्पणीः हामी मिसन ८४ अग्रसर छौँ, अवरोध गर्नेको हिसाबकिताब गरिनेछ
- संसद्मा प्रधानमन्त्री बोल्न थाले, रास्वपा र राप्रपाका सांसदहरू बहिष्कार गरेर निस्किए
