बसाइँसराइले रित्तिएको गाउँः खाडीमा युवा,घरमा झाडी (भिडियाेसहित)

बागलुङ । घरका ढोकामा ताला ठोकिएका छन् । भित्ता उप्किएर चिरा चिरा परेका छन् । घर वरपरका वनमारा पलाएरको छ भने खेतीयोग्य जमिनमा झाडी पलाएर ढपक्कै भएका छन् । बागलुङको काठेखोला गाउँपालिका–५ कर्लिम गाउँ एक दशक अगाडिसम्म निकै रमाइलो थियो । तर अहिले बढ्दो बसाइँसराइका कारण गाउँ रित्तिदै गएको छ । 

Watch On

गाउँमा भएरका घरहरु पनि खाली हुँदै गएका छन् । छरछिमेक र आफन्त सबै बसाइँ सरेर बजार झरेपछि अहिले गाउँमा रहेकाहरु निराश छन् । बसाइँ नसरेकाहरुले पनि आफ्नो परिवारलाई शहर बजारमा राखेका छन् । युवा शक्ति विदेश हुँदा गाउँमा बुढापाका बाहेक अरुलाई भेट्याउन सकिन्न । काठेखोला जिल्लामै धेरै बसाइँसारइ गर्ने ठाउँ हो । 

बसाइँसाइले गाउँमा हरेक वृद्धवृद्धालाई दुःख बिमार लाग्दा अस्पतालसम्म पु¥याउने मान्छे समय–समयमा  । समस्या पर्ने गरेको छ । गाउँघर झाडीले ढाकिन थालेपछि वन्यजन्तको आतंक बढ्दै गएको छ । जसले स्थानीय त्रसित बनेका छन् ।

युवा शक्ति विदेश पलायन भएका छन् । गाउँका हुने खानेहरु सेवा सुविधाको खोजी गर्दै बसाइँसराइ गरेर बजार झरेपछि गाउँमा न्यून वर्गका मानिसहरु मात्रै छ । स्थानीय सरकारले नागरिकका आधारभूत आवश्यकतालाई पुरा गर्दै गए पनि बसाइँसराइ रोकिएको छैन ।

काठेखोलाको कर्लिम मात्र होइन जिल्लाको अन्य धेरै ठाउँबाट बसाइँसारइ गर्नेको संख्या बढ्दै गएको छ । जसले ग्रामीण क्षेत्र सुनसान भएका छन् । सेवा सुविधा खोज्दै बजार झर्नेलाई गाउँमा रोक्ने गरि विकास गर्न नसके यस्ता थुप्रै गाउँहरु नरित्तिएलान् भन्न सकिन्न ।