सबै कुरा

रौतहट दुर्घटना अपडेटः मृतक आठ जनाको पहिचान खुल्यो

सिधाकुरा

मंगलबार, मंसिर २५, २०८१

रौतहट दुर्घटना अपडेटः मृतक आठ जनाको पहिचान खुल्यो

रौतहट । बाराको गढीमाई मेलाबाट फर्कने क्रममा रौतहट चन्द्रपुरमा स्कार्पियो दुर्घटना हुँदा मृत्यु भएका आठ जना यात्रुको पहिचान खुलेको छ ।

Watch On

गढिमाई मेलाबाट फर्किएका यात्रु सवार स्कार्पियो दुर्घटना, ८ जनाको मृत्यु

पूर्वपश्चिम राजमार्गमा अन्तरगत चन्द्रपुर नगरपालिका ४ स्थित धन्सार–लमाहा सडक खण्डमा बा १६ च ३१६२ नम्बरको स्कर्पियो दुर्घटनामा परेको थियाे ।

इलाका प्रहरी कार्यालय चन्द्रनिगाहपुरका प्रमुख प्रहरी नायब उपरीक्षक राजकुमार राईका अनुसार दुर्घटनामा परी सिराहा अर्नामा गाउँपालिका–३ बंठियाटोलका ६० वर्षीया लरुवती देवी महरा, ३० वर्षीया उर्मिला महरा, ५० वर्षीया रामकुमारी महरा, ५५ वर्षीया महगीं देवी महरा, ६२ वर्षीया फुलमन्ति देवी चमार, ६० वर्षीया रामकुमारी देवी महरा, ३० वर्षीया सकुन्तला देवी महरा र ४० वर्षीय स्कर्पिओ चालक श्रीकुमार यादवको मृत्यु भएको छ ।

सिराहाको अर्नामा गाउँपालिका कि ३० वर्षीय राधाराम, दुई वर्षे आर्यन राम, २५ वर्षीय देवकुमारी महरा, ७ वर्षीय ऋतिक महरा, ६० वर्षीय कन्यादेवी महरा रहेका घाइते भएका छन् भने गम्भीर घाइते भएकी कन्यादेवी महराको बीरगञ्जस्थित बयोदा अस्पतालमा उपचार भइरहेको छ ।

अन्य घाइतेहरूको उपचार चन्द्रपुरस्थित हाइवे ट्रमा अस्पतालमा भइरहेको प्रहरीले जानकारी दिएको छ।

प्रकाशित मिति: मंगलबार, मंसिर २५, २०८१

प्रतिक्रिया दिनुहोस्