रवि लामिछानेलाई आज पोखरा फर्काइदैँ

काठमाडौँ । प्रहरी हिरासतमा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेलाई आज पोखरा फर्काइदैंछ । सहकारी ठगीको आरोपमा कात्तिक २ गते पक्राउ परेका उनी झण्डै दुई महिना देखि प्रहरी हिरासतमा छन् ।   

Watch On

वीरगञ्जको सानो पाइला बचत तथा ऋण सहकारी संस्थाको रकम गोर्खा मिडिया आएको विषयमा बयानका लागि लामिछानेलाई सोमबार वीरगञ्ज पु¥याइएको थियो । 

जिल्ला न्यायाधीवक्ता भोलानाथ निरौलाका अनुसार लामिछानेलाई बयानका लागि पहिलेनै ५४ प्रश्न तयार गरिएको थियो । मंगलबार लामिछानेले सबै प्रश्नको जवाफ दिएपछि एकै दिनमा बयान सकिएको हो । 

बयान सकिएपछि लामिछानेलाई पर्सा प्रहरीको हिरासतमा राखिएको थियो । बयान सकिएका कारण लामिछानेलाई आज बिहान १० बजे सिमराबाट काठमाडौँ ल्याइने रास्वपाले जनाएको छ । त्यसपछि काठमाडौँबाट उनलाई कास्कीस्थित जिल्ला प्रहरी कार्यलय कास्कीको हिरासत पुर्याइनेछ । 

लामिछनेमाथि सरकारले राजनीतिक प्रतिशोध साधेर अराजनीतिक र झुटो मुद्दा लगाएको भन्दै रास्वपा आन्दोलनमा छ । लामिछाने पक्राउ राजीनितक प्रतिशोध भएको भन्दै माओवादी, राप्रपा र कांग्रेसकै नेताहरुले आपत्ति जनाएका छन् । 

हिराशतमा लामिछानेमाथि अराजनीतिक व्यवहार गरिएको भन्दै प्रहरी प्रमुख बसन्त कुवँरमाथि राष्ट्रिय मानवअधिकार आयोगले अनुसन्धान गरिरहेको छ ।