सबै कुरा

एमालेले निकाल्दैमा भ्रष्टाचार, अन्याय र अत्याचार बिरुद्धको लडाई कमजोर हुँदैनः भीम रावल

सिधाकुरा

शनिबार, पुस २७, २०८१

एमालेले निकाल्दैमा भ्रष्टाचार, अन्याय र अत्याचार बिरुद्धको लडाई कमजोर हुँदैनः भीम रावल

Watch On

काठमाडौँ । नेकपा एमालेका पूर्व नेता भीम रावलले एमालेले पार्टीबाट निकाल्दैमा आफ्नो भ्रष्टाचार, अन्याय र अत्याचार बिरुद्धको लडाई कमजोर नहुने बताएका छन् ।

राष्ट्रिय एकता दिवसका अवसरमा राप्रपा नेपालले शनिबार काठमाडौँमा आयोजना गरेको चियापान कार्यक्रममा सञ्चारकर्मीसँग कुरा गर्दै रावलले तानाशाही ढंगले एमाले नेतृत्वले आफुलाई निष्कासन गरेको भन्दै एमालेले निकाल्दैमा आफ्नो भ्रष्टाचार, अन्याय अत्याचारबिरुद्ध र देशभक्तिको झण्डा माथि उठाउने उत्साहमा कमी नहुने बताएका हुन् ।

रावलले एमाले नेतृत्वको स्वच्छाचारी, राष्ट्रिय हित बिपरितका कार्य, मनपरी र भ्रष्टाचारपूर्ण क्रियाकलापबिरुद्ध लड्दा पाच्य नभएको जिकिर गरे । उनले आफूलाई बद्नाम गर्न राजावादी भएको प्रचार गरिएको समेत उल्लेख गरे ।

देशभक्तसँग हातेमालो गर्दै अघि बढ्ने र मातृभूमि जागरण अभियानलाई शसक्त बनाउने जिकिर गर्र्दै उनले देशको आवश्यकता भए बैकल्पीक शक्ति निर्माण गर्न सबैसँग हातेमालो गर्दै अघि बढ्ने बताए ।

प्रकाशित मिति: शनिबार, पुस २७, २०८१

प्रतिक्रिया दिनुहोस्