आज कालीमाटी बजारमा कति छ तरकारी र फलफूलको थोक मूल्य ?

काठमाडौं। कालीमाटी फलफूल तथा तरकारी बजार विकास समितिले आजका लागि विभिन्न कृषि उपजको थोक मूल्य सार्वजनिक गरेको छ।

Watch On

समितिले सार्वजनिक गरेको मूल्यसूचीअनुसार गोलभेँडा ठूलो नेपाली र भारतीय दुवैको मूल्य प्रतिकिलो ७० रुपैयाँ छ। सानो गोलभेँडा लोकल २५ रुपैयाँ, टनेल र तराईको ४५ रुपैयाँ प्रतिकिलो निर्धारण गरिएको छ।

तरकारीमध्ये सबैभन्दा महँगोमा सिताके च्याउ प्रतिकिलो एक हजार रुपैयाँ छ। कुरिलो ८०० रुपैयाँ, पुदिना ७०० रुपैयाँ, पार्सले २ हजार ८०० रुपैयाँ र सेलरी ५०० रुपैयाँ प्रतिकिलो छ। यस्तै, तने बोडी ९० रुपैयाँ, मटरकोसा १३० रुपैयाँ, तितो करेला १०० रुपैयाँ र पालुङ्गो साग १२० रुपैयाँ प्रतिकिलो छ।

आलु रातो (लाम्चो, गोलो र मुडे) प्रतिकिलो ६० रुपैयाँ तथा भारतीय रातो आलु ३५ रुपैयाँ छ। सेतो आलु ३२ रुपैयाँ प्रतिकिलो कायम गरिएको छ। सुकेको भारतीय प्याजको मूल्य भने प्रतिकिलो ९२ रुपैयाँ छ।

फलफूलतर्फ स्याउ (फूजी) प्रतिकिलो ३५० रुपैयाँ, जुम्लाको स्याउ ३०० रुपैयाँ र मुस्ताङको स्याउ २५० रुपैयाँ छ। अनार प्रतिकिलो ३५० रुपैयाँ, कागती २५० रुपैयाँ, नेपाली सुन्तला ८० रुपैयाँ र भारतीय सुन्तला १०० रुपैयाँ कायम गरिएको छ।

यस्तै, किबी र आभोकाडो प्रतिकिलो ३०० रुपैयाँ, अम्बा २०० रुपैयाँ, नेपाली मेवा ६० रुपैयाँ, भारतीय मेवा १०० रुपैयाँ र अमला ८० रुपैयाँ छ। नेपाली केरा र मालभोग केरा दुवैको मूल्य प्रतिदर्जन १५० रुपैयाँ तोकिएको छ।

मसला तथा अन्य उपजमा अदुवा प्रतिकिलो १०० रुपैयाँ, हरियो खुर्सानी १०० देखि २०० रुपैयाँ र सुकेको खुर्सानी ५६० रुपैयाँ छ। नेपाली र चाइनिज सुकेको लसुन दुवैको मूल्य प्रतिकिलो २६० रुपैयाँ छ।

समितिले सार्वजनिक गरेको मूल्य थोक कारोबारको हो। खुद्रा बजारमा भने ढुवानी, पसल सञ्चालन खर्च र नाफालगायतका कारण मूल्य फरक पर्न सक्छ।